裕美拒帶林作見老竇：佢最鍾意「露械」自己生死唔重要冒地震千里尋父丨獨家

更新時間：08:00 2024-08-23
發佈時間：08:00 2024-08-23

8月8日宮崎縣對開海域發生7.1級地震，由於連續兩周無法跟獨居當地的日籍父親聯絡，裕美擔心父親安危，上周冒住「巨大地震」警報千里尋父，幸見爸爸安然無恙。林作唔想女友冒險起行出口術，「你阿爸唔覆你咪即係死咗囉」，裕美形容此行為好賤格。採訪：方騫平

去年裕美於IG尋父，終能如願跟失聯24年的80歲老爸重聚，坦言死而無憾，之後父女Keep住聯絡，學懂珍惜眼前人的裕美，更打算兩個月後帶媽媽再探父親。不過，裕美差不多2星期跟爸爸失去聯絡，加上日本地震警報，裕美急飛福岡尋父，幸好老爸只是身體不適，未能外出交電話費令服務終斷。

放下心頭大石的裕美幫爸爸買了糧食及物資外，亦好好享受3天假期，「爸爸住喺近福岡嘅山口縣得山市，係鄉下地方，條街夜晚7點已冇晒燈，過到嚟個心好平靜。」至於福岡市面狀況，她稱超市及藥妝店貨源充足，未見搶購物質，當地天氣晴朗，相當酷熱。她指爸爸和其他日本民眾一樣，早已習慣應對地震，所以生活如常冇驚過。

林作地位比愛犬低

對於林作曾反對出發，裕美卻堅持：「我生死唔重要，最重要屋企人安全，阿爸只得一個，比林作更重要，男朋友可以換千萬個。」她甚至笑說：「就連我屋企啲狗『地位』都比林作高啦，因為佢哋係跟我一世㗎嘛。」最後她更稱林作好賤格，講啲衰嘢唔想她去冒險：「佢話『你阿爸唔覆你咪即係死咗囉，有咩事你都幫唔到手㗎啦！』」至今林作未拜見過未來外父，裕美解釋：「費事嚇親阿爸，阿作最鍾意喺我屋企人面前『露械』，加上語言不通，喺鄉下地方唔想悶親佢。」