東張西望丨新生父母4萬月薪誤聘黑心陪月 拎合約同BB相去財務公司借錢 報警求助仍難解決慘成苦主
發佈時間：22:00 2024-08-28
TVB《東張西望》今晚（28日）播出的一集，報道剛生下第二胎的陳生陳太（化名）在今年5月花了4萬請了一個陪月，希望照顧新生嬰兒和協助媽媽坐月時調理身體，但結果惡夢連場，這個陪月竟然走去財務公司借錢，期間更因被電話追數，湊B時多次發生驚險事，雖然最後提早解約，不過陳生竟接獲追數公司的電話，他在不知情的情況下，竟然被成為諮詢人，最後他們報警求助，可惜至今仍未找到個陪月。
相關閱讀：東張西望丨長洲疑似童黨頻搞事累學校聲譽插水？行為影響街坊 校方避談疑欺凌事件
東張西望丨黑心陪月借財仔湊B時多次發生驚險事：
即將成為第二任父母的陳生陳太（化名）大半年前在朋友的介紹下，預約了一個陪月員幫手，當時她的口碑和表現都好好，於是決定以月薪4萬聘用。今年5月誕下BB後，上班第二日已經有異樣，陳生陳太說：「有啲神不守舍，見佢眼濕濕，成日有啲疑似係追數電話打畀佢。每一日都喺度撳電話，唔知佢做咩，我唔係唔畀佢咁做，但係BB未瞓覺，就算抱住BB都喺度撳電話。」陳太還說：「試過聽到佢電話啲內容，『你係咪想逼死我？』再唔係就話『我而家唔方便，收工先搵你』又或者『命就有』。」
陪月僱用9天後被終止合約
於是陳生陳太懷疑這陪月欠債被追數，接着突然間表示媽媽入院，私自找人頂替兩天，點知情況更為嚴重：「唔止煮燶嘢，瞓覺嘅時候，突然聽到BB好似濁親嘅聲，我哋開CAM嚟睇，發現喺BB飲奶嘅時候，BB係擰歪咗塊面去飲奶，而佢只係單手餵奶，全程喺度撳電話，甚至抱抱下BB瞓着咗。」結果陳太忍無可忍，在僱用其9天後終止了合約。
陪月員偷飲人奶涉盜竊？
想不到事件未有因解僱而告一段落，反而是惡夢的開始，陳生陳太得悉陪月員竟然將僱用合約和僱主新生嬰兒照片作為抵押，向多間財務公司借貸，陳太說：「追數嗰個人嗌得出我個名，問嗰陪月係咪喺度返工，聽到我話炒咗嘅時候，對方都好愕然，問番我係幾時炒。」原來呢個陪月在被炒後一星期，竟然將合約連同BB的相片再去借錢，陳太說：「唔止一間，係三間，一間借咗7千幾，另一間係一萬，仲有間係借咗萬幾，嗰個人仲話冇人搵到個陪月，佢連第一期數都冇還，所以先搵我，因為我係緊急聯絡人，呢件事連我自己都唔知。」
陳生被列為「借貸諮詢人」
陳生更表示自己都被列為「借貸諮詢人」，陳生多次接到財務公司追債電話：「佢哋話呢個陪用月爭好多間財務公司嘅錢，我最驚自己成為擔保人，佢哋仲話唔止我哋，個陪月仲拎住另一份合約去借錢。我最驚係佢哋上門追數，影響我啲屋企人。」雖然陳生一家已經即時報警，但至今仍未找到這個陪月，有人曾向他們稱曾在內地見她，陳生坦言：「完全係匪夷所思，呢個陪月應該係有預謀夾帶私逃拎啲錢走佬，我哋都冇諗每個月3、4萬咁畀，原來自己係最慘嗰個。」
其他文章：
東張西望丨15歲男童疑被父母虐打！竟扯出校園欺凌事件恐骨肉分離 校方處理手法惹爭議
東張西望丨港女櫃員機入錢3萬變3千真相曝光！突向警方自首偽造收據 媽媽避談畀女呃
東張西望丨已婚港婦疑墮網上情緣騙案！取走病母220萬再抵押住所：個計劃係7千萬歐羅
東張西望丨港男因遺囑錯字失4千萬祖屋？繼母被封「何太2.0」對質反鬧：去搵你老竇啦！
東張西望丨七旬老婦丈夫突然失蹤？失千元生活費無飯開 劇情大反轉被繼女鬧爆
