鄭伊健拒回TVB拍劇 唔介意太太蒙嘉慧被指「走樣」 楊偲泳專注事業少見男友張振朗
發佈時間：15:45 2024-08-31
鄭伊健、張文傑、楊偲泳昨晚（30日）出席新車發布會，鄭伊健笑言一向自己在香港，只是太太蒙嘉慧近期也回港，雖然有傳避天災，其實太太回港工作。他說：「全世界都有天災架啦！」談到有網民影到他與太太吃魚旦粉被指慳家。伊健笑言無論賺幾多，能夠吃到香港特式食物已經很開心，又透露太太將會返日本工作，自己則要為新戲配音及台灣演唱會宣傳。他說：「因為第一次去台灣開演唱會，所以大家都好緊張，成日諗有乜原素擺入演唱會度。」伊健戲言自己到訪台灣只是玩，但在當地參與小S主持的節目，獲得對方幫忙宣傳。談到在台灣開騷可需操身形，伊健坦言一直有操身形，較早前也在英國、馬來西亞開騷。提到有網民指他與太太「走樣」，伊健笑言時運高聽不到，亦完全不知道，但認為人會改變，也覺得無所謂。
提到近日網上廣傳一段宣萱在節目《K100》，指TVB只重用歌星做主角，歌星就算遲到沒有謙意，當年伊健亦有份在場拍手贊同。伊健笑言這個是事實，當年自己是由演員出身，但剛剛轉型做歌手，所以享受不到這種福利，於是有份拍手。他說：「不過唔會啦！啲前輩羅文教落有早到無遲到，唔會要大家等！」提到TVB最近重播由他擔演的劇集《隨時候命》，伊健笑說：「想當年拍嘅時候，啲人話有乜好睇，不過有啲嘢未必啱Timing同時段唔同。（可想回巢拍劇？）唔會啦！（好友黎諾懿想你回巢？）佢識咗我連累佢一世，教識佢好多唔好嘅嘢！但好難得拍戲識到好朋友，一部戲令大家認識都唔錯。」
同場出席的楊偲泳，表示喜歡遊車河，日常會接載埋同事，因為住得近，最近只見工作伙伴多，反而男友張振朗少見。談到毋需跟男友維持關係，她避談表示通常跟工作伙伴維繫關係，平時也是於電視上見到男友在廣告或電視劇出現，現時亦專注事業發展。問到可想到內地發展？她坦言交給公司處理，現在剛完成一部電影後期，進行配音部份。談到若然離開香港工作，會否不捨得男友？她笑說會不捨得父母，又爆自己再次做姑姐，亦很享受做姑姐，可以帶領姪仔經常要百厭事情，避開哥哥的視線。
