Di-Dar音樂劇場丨何洛瑤首次正式做舞台劇渴望重演 自爆早知媽媽《美麗40路》20強不入 參加只想了解女兒工作及生活
更新時間:16:15 2024-09-10
發佈時間:16:15 2024-09-10
發佈時間:16:15 2024-09-10
![Sica自爆早知媽媽20強不入。](https://image.hkhl.hk/f/1024p0/0x0/ll/sthl_square/8bc313a43e3ba8fc5f383a81f8c1a63d/2024-09/cats792.jpg)
何洛瑤(Sica)昨晚(9日)為主演的舞台劇《Di-Dar音樂劇場》作尾場演出,謝幕時她更感動到喊。受訪時Sica指雖然之前也曾在舞台劇中演過喪屍,但覺得今次才算真正第一次:「今次有完整排練,頭場同埋最尾都有喊,好唔捨得。」問到覺得自己表現如何?她指不是完美,但每場也叫自己放鬆和與大家一起互動及玩,令她覺得很享受和滿足,若可以的話,她也很想跟大家再一起重演。
提到Sica媽媽洪淑燕參加ViuTV真人騷《美麗40路》,她坦言因太忙只看了精華片段,笑言媽媽的表現跟在家中一模一樣,是本色演出。Sica又自爆早知媽媽20強不入:「佢都係想了解我工作先參加呢個節目,佢以前以為做明星好開心,但原來咁辛苦,而家就知道做明星唔係咁簡單。」又笑指媽媽被foul後對她好了很多,經常問她要不要飲湯,提到Sica媽曾擔心參賽搞到家變?Sica笑說:「冇事,講笑姐冇破裂,關係仲好好。」對於有網民替Sica媽被foul走感不值,Sica指要看從哪一個角度去看,因為自己曾參加過《全民造星IV》,覺得每個觀眾的期望也不一樣:「所以冇話邊個值得邊個唔值得,如果大家有興趣可以繼續去支持佢哋未來嘅動向同諗法。(媽媽會唔會入行?)佢就話自己唔會,但睇定啲,我同我阿媽一樣比較跳脫,可能訪問話唔會做嘅聽日就做咗,我哋喺今天的我打倒昨天的我嗰類人嚟。」