鄭梓浩前度Grace深情剖白：只想身邊男人好衰心軟供養「終極賤男」7年被全城鬧死蠢丨獨家

更新時間：07:00 2024-09-13
發佈時間：07:00 2024-09-13

上周《頭條娛樂》獨家踼爆55歲的「中年2」鄭梓浩(Brian)是「終極偷食軟飯王」，哄動全城。討論區洗版留言句句爆笑，包括「中年好淫亂」，又笑Brian是否「識轉彎」，但最多是鬧同居7年的舊愛Grace是「蠢女人」。決定公開真相後便「深潛」的Grace最後開腔，強調出錢出力幫鄭梓浩，全因為愛，「作為一個女人仔只想身邊個男人好，一齊行到終老」，大義滅親只希望鄭梓浩好好反省，「佢面皮厚過乜，成日同fans講要錢醫個仔，其實包養『小三』。」更心痛表示，「唔想佢再用感情周圍呃女仔，再有更多人受害。」難過的她坦言被情傷搞到多次想了結生命。採訪：曾盻堅

鄭梓浩舊愛深情剖白：

鄭梓浩背住供養一家的初戀兼同居女友Grace，「偷食」佛山的37歲已婚Shadow，同時被43歲孫耀威人母妹妹孫美賢(DaDa)包養，入住元朗炮房，更因為縱慾太多搞到性無能要食壯陽補品，醜聞曝光5日，孫美賢重開IG出聲明承認和Brian曾有短暫交往，但非包養關係，又反指Grace不斷騷擾鄭梓浩，甚至以自殺威脅他；而變過街老鼠的鄭梓浩為補鑊，在粉絲群駁斥所有指控，否認出軌，甚至冇收過Grace幾百萬。

重情義求一齊終老

面對四方八面嘅咒罵、質疑及嘲笑，唔再露面的Grace以文字訊息接受本報訪問，「個個以為我想一拍兩散，其實我只係一個受害者，唔想更多人受害，所以要畀全世界嘅人知道佢嘅真面目。」對於鄭梓浩每次偷食後分開，缺錢就扮浪子回頭，重情重義的Grace一次又一次原諒都是因為愛：「我哋有感情基礎，大家係中學同學兼初戀情人，後生拍拖離離合合，之後佢移咗民，我哋又冇正式分手，又冇鬧過交，直至重遇返互有感覺。」再燃愛火的Grace只想身邊男人好：「佢諗住追夢，我咪好心幫佢發展事業，希望他日佢真係搵到錢，買隻好啲嘅戒子同我求婚，我哋結婚一齊終老。而且佢又承諾會對我好，其實就係咁簡單啫。」

孫耀威妹妹孫美賢搭上鄭梓浩

有眼無珠當發惡夢

瞓身投資感情近7年，Grace終於認定鄭梓浩是呃感情、呃愛情、呃金錢、呃時間、呃心機的愛情騙子，她終於肯死心徹底放下。Grace坦言諗起「好色瘟神」都好驚，瞓得唔好：「係一個非常惡嘅夢，係我有眼無珠識錯咗佢，佢絕世渣男到不得了，最叻扮慘，係咁呻窮，話兩個仔冇錢食飯，自己冇屋住，懷才不遇好想發圍，佢呃人把口就最叻，講啲嘢𠱁女，同人曖昧呀，佢喺抖音直播𠱁到啲人送嘢畀佢。」Grace又取笑鄭梓浩，「佢為咗錢乜都做得出，覺得同一個咁嘅人一齊好恐怖，我死心嘞，唔會再原諒佢，呢8個月佢折磨得我好辛苦，曾經好多次想自殺。」

開直播得50鐵粉撐

本來上本周日鄭梓浩有公開活動，最後因爆出醜聞改由吳大強頂替。據知鄭梓浩曾「死晒狗」冧主辦方，話會有fans到場造勢但徒然。另外，本周二鄭梓浩若無其事繼續在抖音開直播，但只得50位忠粉在線，對偷食醜聞隻字不提。對此，Grace說：「咁佢都要垂死掙扎，當冇事發生嘅，唯有冧返班鐵粉撐佢，喺幾十人嘅fans群組中抹黑我，話我亂嗡囉，佢面皮厚過乜咁，擘大眼講大話。」Grace又指鄭梓浩最叻搵個仔出嚟做擋箭牌：「佢大仔有肌肉萎縮遺傳病，紐西蘭睇醫生已經話冇得醫，亦冇藥食、冇手術可做，只能多做運動，食多啲牛肉，放鬆心情。佢成日同fans講要錢醫個仔，但fans畀佢抖音啲錢，佢用嚟包養『小三』，並非用嚟做家用。」為自己大平反後，Grace坦言鬆一口氣亦想靜吓，對於孫美賢聲明冇興趣再回應。另外，曾被孫美賢多次凌晨時份邀約去蘭桂坊的「小2生」沈宗賢直認太夜冇出去，唔想多事的他說：「跟孫美賢唔熟，每次都有大班人在場，唔覺佢另有用意。另有次曾主動介紹好姐妹，佢好似大姐姐咁照顧身邊人。」

防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk

其他文章：

孫耀威唔陪細妹避風頭？疑暗示老婆有喜心情大靚孫美賢被爆與鄭梓浩性醜聞繼續潛水

孫耀威已婚妹孫美賢被爆約炮急刪IG 兄嫂赴瑞士度歲曾晒全家福鄭梓浩若無其事被網民怒轟

孫耀威已婚妹孫美賢被指與《中年2》鄭梓浩約炮！移居瑞士做金融已為人母低調老公外表斯文

鄭梓浩舊愛公開孫耀威胞妹約炮訊息：傳下體相裸聊好淫賤《中年2》人母孫美賢做「小四」丨獨家

鄭梓浩被指控食軟飯兼偷食冧Fans補鑊列5點拒認賤男：壯陽藥純亂講前度Grace直斥大話精｜獨家

《中年2》鄭梓浩同居7年女友踢爆終極賤男長期偷食揭軟飯王真身腳踏三船要食壯陽補品丨獨家