蕭正楠跟發哥跑步告別孱仔拒談做「老竇」 曾「生蛇」纏住半條腰痛足半年丨獨家
更新時間：08:00 2024-10-04
發佈時間：08:00 2024-10-04
發佈時間：08:00 2024-10-04
字體大小
蕭正楠剛由布拉格拍完劇集《巨塔之后》返港，本月底聯同老友曹永廉在佛山舉行《bro show演唱會》，工作勁忙。自從8年前拍攝《翻生武林》時「生蛇」，阿蕭開始積極做運動，疫情期間同老婆黃翠如齊加入發哥(周潤發)嘅跑山團，𠵱家仲日日做20分鐘HIIT去Keep fit，47歲仍有心有力，唔係孱仔。採訪：方騫平 攝影：Benny
43歲黃翠如最近穿鬆身裙和平底鞋逛街，被發現腹部隆起和上圍升級，疑似大肚。不過，蕭正楠就拒談老婆懷孕傳聞，反而落力提醒大家要多做運動強身健體，曾「生蛇」的他諗返起都怕怕，唔止好痛，康復期又長。
黃翠如最近穿鬆身裙逛街，被指肚凸凸孕味甚濃。
纖瘦翠如竟有個小肚腩惹來揣測。
翠如飲凍檸茶要走冰。
黃翠如日前出席公開活動時，行動小心奕奕。
發哥鼓勵翠如跑10公里
阿蕭自覺身體強悍好捱得，未試過「冧廠」，但自從2016年拍《翻生武林》就被攻破「堡壘」：「拍呢套古裝劇打足三分一，而且冇乜時間休息，體力耗盡，好記得拍完嗰場山洞翻滾戲後，發覺背部出現紅點及有刺痛感覺，初不以為意以為由砂石及昆蟲叮咬所致，點知兩日後拍沖涼戲時，患處明顯嚴重咗，有成寸闊嘅水泡紅疹向橫發展，已圍住半條腰，真係諗起都打冷震好得人驚，要馬上停工休息。即使結咗痂都有神經痛，時不時有觸電感，呢個病後遺症長達半年，所以醫生建議大家最好打蛇針。」
𠵱家阿蕭和翠如保持運動量：「疫情期間我哋每朝跟發哥跑山，最高峰時發哥逼到翠如來回跑到10公里，因為發哥從旁鼓勵『得喇去啦！有咩事我孭你返去…』咁樣就完成咗佢人生第一個10公里，連我都唔敢相信；發哥亦會捉我唔好跑到八字腳，提示我修正。跑步團最高峰有40多人，會按能力分3隊跑，鵬哥(盧海鵬)由最初要撐枴杖，都後期唔使用，真係幫到手㗎。」
最Hit
47歲婦常飲1種湯 腦出血中風亡！長期飲恐致癌？醫生揭4大風險
2024-12-09 13:48
深圳菊花展2024｜深圳3大菊花展12月開鑼 免費入場賞逾12萬株菊花花海 附交通攻略
2024-12-10 19:14