譚耀文重返錄音室錄歌好緊張完成後唔捨得離開疫情期間學結他增值自己

更新時間：22:15 2024-10-07
發佈時間：22:15 2024-10-07

譚耀文（亞譚）近年一直主力拍攝電影，但歌手出身的亞譚其實對音樂的熱愛也從不減退。更在疫情期間把握時間自我增值去學結他和打鼓，亞譚笑言：「由細到大都喜歡音樂，8-9歲聽到Dennie 姐嘅《倦》或者小鳯姐嘅《無奈》我已經識喊，就知道我係比較感性，成日會係收音機旁邊聽歐西流行曲倒數榜，然後錄低佢慢慢聽。之後就算演戲，每次我都會聽唔同音樂去幫助我尋找唔同嘅角色神緒。其實自己最好嘅朋友就係音樂，而我一直都咁愛佢，從一而终。

亞譚在機緣巧合之下收到一首歌曲Demo，令他萌生岀對此歌曲的創作概念，當曲詞誕生後，一致認為由亞譚親自演譯是最合適人選，該歌曲更作為其主演電影《拼命三郎》的主題曲。亞譚回想早前錄音情況說：「好耐冇入過錄音室正式灌錄屬於自己的歌曲，所以嗰日行入錄音室之前感覺自己好似新人，有啲緊張，结果一開始warm up 嗰feel 就返晒嚟，腦海好多以前嘅畫面浮現，就彷似一個人去咗旅行好耐，终於返到屋企打開門，一入去所有嘢都好熟悉好溫暖，加上歌詞又好代表到我自己，而之前用咗好多時間去思考，再同監製與作詞人溝通，所以錄音進度總算理想，當聽到要求好高嘅監製一句 good take 之後，我即刻成個人散晒，但係又唔捨得離開錄音房，结果要被監製趕我出去。」

↓立即下載星島頭條App↓