鄭嘉穎與小朋友相處有妙法抗拒做KOL不愛公諸同好直認夫妻財政獨立 : 少個煩惱

影視圈

更新時間：15:15 2024-10-25
發佈時間：15:15 2024-10-25

鄭嘉穎昨日（24日）在銅鑼灣保良局化身照顧員拍攝宣傳片，與小朋友玩樂、餵食和教導功課，呼籲公眾支持和關注保良局兒童，希望更多人捐款。談到三子之父的嘉穎對於照顧小孩沒難度，他指每個小朋友有不同個性，他三位兒子也有不同個性，處理方法都不同，自認與小朋友相處有「蹺妙」，當兒子發脾氣或不開心時，他有方法開解。嘉穎坦言當爸爸後多了耐性，他說：「以前缺乏耐性，尤其開工要快，半個鐘頭可拍晒，點解要拍成個鐘。與小朋友和動物拍戲最難搞，現實都係，若他們發脾氣，自己忟對件事沒幫助，所以訓練到耐性，對我做人都有幫助。」

另外，談到太太陳凱琳成為最高收入KOL首位，嘉穎說：「佢搵到自己呢方面空間，鍾意做嘅事，而家潮流興網上，好啱佢做，最緊要開心就得。KOL真係唔易做，佢都好辛苦，keep住點擊率，不停有新嘢畀人睇，佢好努力去諗拍有趣嘅嘢。（會否夫妻檔KOL？）KOL唔適合小弟，我比較old fashion，不會公諸同好，尤其家庭和私人，唔係每樣都拍，我較傳統。」嘉穎表示若有他上鏡的片段會有共識才放上網，拍攝方面交由太太主導。問兩夫妻是否財政獨立？他說：「獨立，放心，小弟都有啲積蓄。（太太吸金力強。）咁咪好囉，更加唔洗擔心，我有3個仔，佢哋都唔洗擔心，咁更加好。因為唔知啲仔以後會點，少個煩惱好過多個煩惱。」