破·地獄丨黃子華許冠文結束東京電影節之行 衛詩雅獲2位神級演員呵護好感動
發佈時間：17:15 2024-11-03
由陳茂賢執導兼親自執筆，英皇電影《破·地獄》即將於11月9日上映。電影由黃子華、許冠文（Michael）、衛詩雅（Michelle）、朱栢康及周家怡領銜主演，而導演陳茂賢連同子華、Michael、Michelle，加上趕飛東京加入的朱康，團隊齊齊整整連日於日本東京出席東京國際電影節《破·地獄》映後分享及相關之業界交流活動。
子華Michael相隔32年再度合作，今次東京之行難得合體再聚，二人出席連日的映後分享會與觀眾交流，為整個團隊締造又一難忘回憶，子華完成行程後，有感得來不易，他指：「我覺得有一套電影能夠走出香港都唔容易。呢次喺東京睇到觀眾朋友既反應好好，覺得好安樂好幸運。希望可以拍多啲戲，比全世界都欣賞到。」而Michael則大表興奮，期望觀眾入場支持《破·地獄》：「今次好興奮，可以跟隨著《破·地獄》團隊來參加東京國際電影節，亞洲各地嘅業內和影評人反應不錯，亦見到香港政府大力幫助電影行業，至於電影最終是否成功，就看我們作品的實力和質量，希望吸引多一些觀眾入場支持！」
女主角衛詩雅繼上月飛往夏威夷出席《破·地獄》世界首映後，一個月內再代表電影出席國際級大型影展，Michelle透露是次東京之行尤其珍惜跟團隊成員之相處時光，她指：「呢個東京之旅係非常之開心難忘又緊張。首先開心嘅原因係，我覺得好榮幸能夠帶住《破·地獄》同我哋成個團隊嚟東京國際電影節，好似帶住一個香港嘅傳統、一個非物質文化遺產去畀世界各地更多人去認識。而好深刻既事唔少得我哋團隊成日一齊聚埋，仲要一齊踏上紅地毯。」Michelle大爆深受兩位神級演員的呵護，大嘆感動：「喺行紅地毯嘅時候，天氣比較凍，為咗靚就揀條靚啲嘅裙，但始終室外，好凍，咁子華神一個好細心嘅舉動令我好感動，佢喺準備行紅地毯之前，子華神拎咗件西裝褸比我，佢自己身上個件西裝褸，比我披一披先，所以好感動。同埋戲中爸爸Michael 神一齊行紅地毯，感覺加倍榮幸。」
此外，朱栢康雖然因工作關係，早前電影節開幕紅地毯上未見其蹤影，但心繫《破·地獄》的他完成個人工作後即趕飛東京，加入團隊其他成員，接連出席不同電影分享會，朱康表示：「我感到非常榮幸同驕傲，代表《破·地獄》同團隊一齊參與東京國際電影節，能夠同觀眾交流，呢件事非常鼓舞。當地觀眾反應好正面，好尊重我哋嘅作品，亦都好珍惜每一次喺東京同團隊或者同業交流嘅機會，係今次行程特別可貴嘅地方。希望香港電影能夠代表香港再有機會去到唔同地方。」
至於導演陳茂賢則分享是次東京之行意義重大，親身感受到跨地域之文化交流，亦深深感受到日本觀眾的熱情，他簡單總結整個行程：「能夠將很代表到香港的《破·地獄》來到日本東京國際電影節，並能參與創意香港的making wave 節目，十分感恩與《破·地獄》團隊一起感受日本觀眾的熱情，聽到他們分享對香港文化的興趣和對戲中演員們演出的喜愛，感到十分榮幸和興奮，接下來《破·地獄》將會回到香港，準備正式跟觀眾見面，期望《破·地獄》能繼續走遍世界，將香港電影帶給各地觀眾，如是我信。」
