苗僑偉感激發哥似神仙打救教跑步爆三嫂跑上癮腰骨痛都好番直言已掛靴避談明星足球隊分家

影視圈

更新時間：15:22 2024-11-09
發佈時間：15:22 2024-11-09

苗僑偉（三哥）昨晚（8日）為《奬門人台慶感謝祭》進行錄影，三哥指今次也是來撐兄弟，對於林夏薇表示想兩人合作做情人，三哥聞言即表示：「希望，期待嘅，有機會，來日方長。（佢話想轉隊同你玩！）做二五仔？」對於早前三哥與袁偉豪敍舊後被網民指他Fit過對方，三哥就笑言袁偉豪年青過自己很多，但慶幸4年前開始獲發哥周潤發教跑步，令他學會了這個養生方法：「一星期跑4、5日，唔開工就去跑，朝早跑當做晨運，每次跑45分鐘，三嫂都有跑，跑到佢啲腰骨痛都好返，而家好似跑上癮咁，最enjoy去跑完食早餐，食極都唔肥，好彩撞到發哥呢個神仙打救我，如果冇運動就好大件事，感恩遇到神仙。」

至於也有踢波的三哥，被問到明星足球隊分家，表示已經掛靴的他笑指不願置評，不過卻自爆一落場就「收唔到掣」，早前去練波時更拉爆小腿肌肉，搞到回家比老婆詐型，最後需休養幾星期才康復，所以現在踢波可免則免。

↓立即下載星島頭條App↓