苗僑偉感激發哥似神仙打救教跑步 爆三嫂跑上癮腰骨痛都好番 直言已掛靴避談明星足球隊分家
更新時間：15:22 2024-11-09
發佈時間：15:22 2024-11-09
發佈時間：15:22 2024-11-09
字體大小
苗僑偉（三哥）昨晚（8日）為《奬門人台慶感謝祭》進行錄影，三哥指今次也是來撐兄弟，對於林夏薇表示想兩人合作做情人，三哥聞言即表示：「希望，期待嘅，有機會，來日方長。（佢話想轉隊同你玩！）做二五仔？」對於早前三哥與袁偉豪敍舊後被網民指他Fit過對方，三哥就笑言袁偉豪年青過自己很多，但慶幸4年前開始獲發哥周潤發教跑步，令他學會了這個養生方法：「一星期跑4、5日，唔開工就去跑，朝早跑當做晨運，每次跑45分鐘，三嫂都有跑，跑到佢啲腰骨痛都好返，而家好似跑上癮咁，最enjoy去跑完食早餐，食極都唔肥，好彩撞到發哥呢個神仙打救我，如果冇運動就好大件事，感恩遇到神仙。」
至於也有踢波的三哥，被問到明星足球隊分家，表示已經掛靴的他笑指不願置評，不過卻自爆一落場就「收唔到掣」，早前去練波時更拉爆小腿肌肉，搞到回家比老婆詐型，最後需休養幾星期才康復，所以現在踢波可免則免。
