關寶慧第3度演「嚴校長」望精益求精多謝陳恩碩畀機會再參與《我們的青春日誌》

更新時間：04:00 2024-11-30
發佈時間：04:00 2024-11-30

關寶慧第3度參演長壽音樂劇《我們的青春日誌》演出，再度飾演「嚴校長」，日前（28日）首場演出，獲一班好友捧場支持，繼有李樂詩博士、周梁淑怡、黃百鳴、李蕙敏和詹瑞文等。完場後寶慧跟一眾好友合照留念，亦很感激好友和忠粉支持，「佢地好多都睇咗好多次，仲支持我真係非常感動，佢哋對我飾演角色表示認同時，令我更加知道只要努力，真的會有人看到。」她又驚訝觀眾欣賞她演出時相當細心，「有啲觀眾話，每次我改善咗嘅地方，佢哋都會留意到，令我非常感動。」她又開心已跟一班台前幕後很熟悉，令演出更加順利，「有啲臨場執生嘅地方，大家都表現得好有默契，今晚首演不論台上和台下，都是人生值得記錄嘅一晚，萬分感恩！」

寶慧演繹的「嚴校長」，獲得不少粉絲支持。

謝幕時，寶慧壓軸出場。

寶慧跟全劇演員一同謝幕。

講到首肯第3度演「嚴校長」，寶慧認為《青春日誌》是香港難得非常完整的原創音樂劇，不論劇情和曲詞都很出色，每個角色很好發揮，而且是個令人反思和感動的作品，很多演員一看就會想參演，她也是其中之一，尤其是「嚴校長」，「角色裏面有好多元素跟我好類同，好多情節亦身同感受，而作為演員，每次做都希望自己下次做得更好，演員嘅慾望係無止境，我反而要多謝Tom（陳恩碩），畀半年時間我將角色做到精益求精、盡善盡美。」正如2019年首次演「嚴校長」後，她相隔5年才再演，「我希望自己不斷進步，所以要沉澱過找出問題所在，再可以把角色演好。」

演出完，寶慧開心得舉起勝利手勢。

寶慧獲一班好友到場支持，既感恩又興奮。

寶慧每次演出黃百鳴和李蕙敏都會捧場，令她很感動。

《青春日誌》製作人陳恩碩繼去年底後，今次已是第3次邀請寶慧演出「嚴校長」一角，他解釋上次觀眾反應相當好，一直很想再有合作機會，「上次好多觀眾反映，好鍾意睇寶慧版本嘅『嚴校長』，有機會當然要再邀劇后再來玩啦！」 Tom又透露上次寶慧演出40多場後，也表示不夠喉，「佢上次演完都話唔捨得，好想有機會再演，所以今次一做就半年，相信對佢同觀眾都係好消息。」