歡樂滿東華2024丨陳百祥帶踢波帶挈吳國敬與菊梓喬多工作叫炎明熹跟踢做第2個鄧紫棋直認呢行好現實 : 有料嘅激嬲邊個都得

影視圈

更新時間：15:46 2024-12-07
發佈時間：15:46 2024-12-07

陳百祥、雷安娜、黃劍文、譚輝智及關禮傑和關楓馨等今日（7日）到電視城出席《歡樂滿東華2024》拜神儀式。

與明星足球隊各有各踢

陳百祥（阿叻）表示自己一年一度司儀工作，笑言現時半退休但忙過以前，指正忙於踢波和跑馬，因為搞了精英明星足球隊，經常要帶着他們到處踢波，最近也去了佛山踢波，網上點擊率有9億，非常好成績，連帶隊中的吳國敬與菊梓喬有很多工作，不過否認大家跟着他搵食，因為這是自然商機，自己也沒有想過那麼好反應。對於有傳他離開明星足球隊是分家，他表示是各有各踢，波是踢不完的，現時網絡威力很強，始終電視有局限，收視幾好也只得幾百萬人觀看，不過網絡也是雙刃刀，一不小心就會好像「小楊哥」一樣犯錯。

伍仲衡激嬲無綫雞毛蒜皮

提到伍仲衡有傳因簽了洪心怡激嬲無綫，致被飛出《中年好聲音3》，阿叻說：「呢啲係雞毛蒜皮，冇話激唔激嬲，最緊要睇TVB同佢嘅關係好唔好，我都成日激嬲無綫，鍾意返嚟就返嚟，唔喺度就唔喺度，呢啲係供與求嘅問題。」他又以炎明熹舉例，指那是供與求的商業價值：「我唔知內裏原因，不過可能對炎明熹嚟講係有生機，如果佢跟我去（踢）一場，就可以做到第2個鄧紫棋，其實睇你有冇料，有料嘅激嬲邊個都得，冇料去邊度都唔得，我哋呢行好現實，劉德華都比佢（無綫）雪咗兩年，但今時今日又係最紅嗰個，唔係雪藏就可以令一個人唔紅，最緊要就係有料。」

↓立即下載星島頭條App↓