《異空感應》陳家樂嬌俏助手何沛珈掀劇情高潮！將與老鼠曱甴激鬥陳屍後巷：拍完踎坑渠邊沖水
發佈時間：20:00 2024-12-17 HKT
TVB熱播穿越劇集《異空感應》（Call of Destiny）由陳家樂、陳曉華、阮浩棕、譚凱琪、陳嘉輝、龔慈恩、彭翔翎、魯振順、文雪兒、何遠東及樊亦敏等主演。隨着《異空感應》劇情即將進入結局篇，昨晚一集結局篇關鍵人物之一的何沛珈出場，而今晚（17日）一集，「方日進」陳家樂、「邢可嵐」陳曉華認定「Duncan」阮浩棕之前對他們有所隱瞞，陳家樂更預視到阮浩棕發狂暴怒的情景，希望了解阮浩棕的一切，陳家樂找精神科醫生楊家圖及Candy查問，得知更多有關阮浩棕過去的秘密！
異空感應劇情掀高潮
《異空感應》劇情將會有突破性發展，阮浩棕飾演的「Duncan」，因為與生父「邢有山」陳嘉輝相認而不相見，激發了阮浩棕的痛，一方面親近生父、但亦害怕破壞生父美好家庭。不過接下來的劇情繼續高潮迭起，飾演陳家樂擔任講師助手的「Ada」何沛珈，雖然出鏡率不算太高，不過她離奇被發現死於後巷，掀起了另一個高潮。
相關閱讀：《異空感應》25集劇情懶人包 線上看最新劇情發展 陳家樂、陳曉華主演TVB穿越劇
異空感應丨何沛珈離奇被發現死於後巷掀另一高潮：
何沛珈第一次拍動作場面
對於下周劇情的發展，何沛珈接受《星島頭條》的訪問時說：「我唔可以講係邊一個殺死我，就係想畀觀眾去估，但今次真係難忘，除咗係第一次拍動作場面，現場有武術指導黑哥，咁其實佢都好錫住我嘅，只不過我真係零經驗，我自己唔係好識就力，又或者擺乜嘢甫士去保護自己，所以第一take佢講完，但係身體自然反應都係撻咗落去，撼到個頭，搞到個到腫咗。」何沛珈還說：「 同埋我亦都第一次喺一個比較污糟嘅環境下拍攝，因為拍攝嘅環境係凌晨時間嘅後巷，老鼠曱甴出沒嘅時間，係見到有曱甴會喺你身邊行過，雖然我本人唔係話咁驚曱甴，但係當佢喺你身邊行過你又唔可以郁嘅時候，其實都咪話唔驚，唯有想像自己真係條屍體。」
何沛珈不介意去污糟環境拍戲
何沛珈又稱拍的時候撞正新年：「新年流流就死呀，不過佢哋都有畀返利是我，收工嘅時候踎喺個坑渠邊就咁沖水，真係又凍又難沖，但其實我覺得有呢啲經驗，都幾好，我唔介意去污糟嘅環境或者怕辛苦，甚至乎其實啲鏡頭根本就睇唔到我個樣，成面都係血都認唔到係邊個，可能覺得係公仔。」
何沛珈開心見到多人關注劇集
自從劇集出街後，網上不少人覺得《異空感應》的題材新鮮，何沛珈亦有留言網民的留言：「我都好開心見到套劇咁多人關注，我都有留意小紅書呀，大家都有討論我哋嘅『男男CP』 ，估唔到男仔同男仔咁有Market。本身都擔心呢套劇喺假期前後播，會唔會太Heavy，大家未必會特別鍾意，但出到嚟反應又真係幾好喎，雖然其實我係呢套劇個戲份唔重，但係呢一套係我同監製Amy 姐（王心慰）第一套合作嘅劇，亦都係之後同佢合作嘅第二套劇，佢畀咗一個好有發揮嘅角色我，我有見到有人喺我嗰度留言就問我，其實我係咪大Boss，亦都有人係咁期待我幾時會再出現，大家放心啦，聖誕我就會出嚟見大家㗎啦。」
相關閱讀：「東張女神」何沛珈桃紅泳裝體態撩人！率領多位索港姐晒身材 展現誘人女人味
何沛珈入行靚相重溫：
相關閱讀：異空感應丨何沛珈與緋聞男友拍劇唔尷尬 阮浩棕坦認二人了解中
何沛珈坦言對獎項未有想太多
至於會否對下月舉行的《萬千星輝頒獎典禮2024》有信心？何沛珈坦言未有想太多：「唔知係咪因為上年係第一年入十強，所以上年自己都有啲期待嘅，但係今年有一個心態上嘅改變，因為回顧返今年做過嘅嘢，都真係好多機會，比起爭獎我更加想向畀機會我嘅人表達感謝，同埋都好想嚟緊畀觀眾見到我已經唔係初初入行咁，因為我呢幾個月唔係咁多作品出街，但係我去到九月為止都係冇停過，然後就開始入劇組啦，所以就比較少喺綜藝同大家見面，有啲人會覺得年尾點解唔見你嘅，但其實我今年已經同大家見咗好多．除咗今年亦都機會不斷，亦都吸收咗好多人畀我嘅意見，例如係關於聲線運用啦，改善懶音，演技上嘅提升，所以比起爭奪獎項，我覺得希望嚟緊可以大家留意到我一直努力作出嘅轉變，無論有冇獎都好，對我嚟講有冇人睇你嘅節目更加重要。」
