雷深如羽毛球論累明登戀中槍 被轟係「X」感傷心 再開個唱暫別舞台 丨獨家
發佈時間：06:00 2024-12-31 HKT
35歲獨立歌手雷深如（J.Arie）相隔3年，明年將舉行「最後個唱」，不過，她強調並非告別樂壇，只是未有發表，所以專心做幕後創作及電影配樂。對於J.Arie曾於社交私人平台發文「了解中係咪打咗羽毛球」被鬧爆抽「明登」水，J.Arie坦言不明Edan為何反應這樣大要發聲明？但為免多事已停用私人社交網。 採訪：方騫平 攝影：林賓尼 化妝：Jessica Chan 髮型：Bowie Lo @ AdmiX Hair Styling 場地：The AIR（The ONE）
雷深如將於明年2月15日於麥花臣場館舉行第2次個唱，同日更推出最新專輯《J.Atriarchy》。上次全祼拍攝演唱會海報配合主題「Perfectly Guilty」（有罪惡的人）；今次則手持長劍，以霸氣冷傲的女王造型出現，表達她拼棄舊的傳統而創立嘅「J.Atriarchy社會」。
今年J.Arie出過4首創作單曲來表達要突破性與愛規範，其中《當兵的自我修養》是講10年前做了7年「女兵」感受：「唔止要隨傳隨到，試過喺凌晨4點，喊住飛的幫『主子』，睇下佢心儀嗰個女仔間屋，有冇男人嘅蛛絲馬跡，然而仍然覺得為佢做嘢都係恩賜，後來終於醒覺到，只要夠愛自己就唔使『做兵』，醒唔醒由自己選擇，𠵱家有更好嘅對象。」當被追問「打咗羽毛球未時？」被封為「性女」的她笑說：「嘩！咩年代呀！梗係有打？我邊打羽毛球邊了解唔覺有問題，唔通要攞貞節牌坊咩！」
停用私人帳戶
對於之前於私人社交平台，冇指名道姓研討「了解中」究竟是「有冇打羽毛球？」，「明登戀」男主角Edan竟對號入座，先彈弓手讚好，刪除後再發聲明護花，解釋與林明禎的關係。J.Arie強調當時只是解釋社會現象，摸不着頭腦說：「唔明Edan反應點解咁大？」不過，戴返頭盔的她補充：「每人有唔同角色，相信唔同人有唔同嘅敏感程度。最搞笑係我嘅私人帳戶同Facebook連結咗才變公開，而且只係理性探討，點知無端端被網民人生攻擊『係X』，好傷心多過好嬲，亦冇再跟進佢哋嘅事，繼續做返自己嘢算，𠵱家我已停用私人帳戶，呢個處理方法令自己較舒服。」
