陶大宇無懼電騙到柬埔寨登台已安全抵港 獲軍人貼心照顧：去洗手間都喺後面
更新時間：21:47 2025-01-22
發佈時間：21:47 2025-01-22
發佈時間：21:47 2025-01-22
字體大小
早前內地男演員王星早前遭電詐集團以「到泰國從事拍攝工作」為由誘騙到緬甸電詐園區，事件令人心惶惶。不過，藝人陶大宇昨日獲邀到同樣有詐騙園區的柬埔寨登台，快閃逗留兩日一夜，今天下午安全返抵香港！
陶大宇獲總統式招待
今次大宇在當地的著名網紅夜場表演，一抵步已獲總統式招待，有人列隊歡迎送花及房車接送。演出前到了巿中心遊覽打卡拍照，巿面氣氛平和，天氣又舒服，令大家都很安心。到了晚上，大宇到演出場地時亦絕不欺場，他一連唱了多首「飲歌」《倒轉地球》、《愛你一萬年》、《唱這歌》等，現場大部份都是中國人，所以很熟大宇的劇集，現場逾千觀眾興奮大叫，氣氛熱鬧！大宇亦大讚場館超大和超靚，千人場館全場爆滿，他說：「開心係估唔到柬埔寨人都睇香港電視劇，好多認得我，我都好詑異，護送我啲軍人都有睇我哋電視劇，都向佢哋敬一敬禮先。」
陶大宇稱並非大家想像般恐怖
演出後安全返抵香港的大宇，落機便隨即受訪，並指當地並非大家想像般恐佈，他說：「好多朋友問候我，搞到好似好得人得人驚咁，其實之前我都去過幾次，有朋友喺呢度做生意，打咗個底。」他指當地人其實好和平和善良，只不過聽到東南亞或者柬埔寨呢個字就敏感咗，其實唔係大家想像中咁樣，所以完全唔擔心。加上邀請大宇的中介和老闆亦安排得很好，他說：「嗰邊保安，啲制服我唔知點分係乜嘢介別保安，但一望就係知軍人，好安全！由頭到尾貼心咁照顧你，去洗手間都會喺你後面（軍人）啦，哈哈。」
