「最強Body」郭珮文被踼爆有密友陪開工 莊子璇曾受負評懷疑人生丨獨家
發佈時間：08:13 2025-01-24
由薛家燕、莊子璇、徐文浩等主持的《2025風生水起》，大除夕晚的一集由葉念琛導演率賀歲片《麻雀女王追男仔》演員郭珮文、王海榛(原名王子涵）一起食團年飯，玄學家麥玲玲踢爆35C「最強Body」郭珮文有貼身密友陪住開工；至於越來越靚的莊子璇卻自嘲不受男仔歡迎，被批未來幾年都是零愛情運。採訪：方騫平
節目中麥玲玲分析23歲郭珮文蛇年運程，溫提她今年犯太歲對桃花不要太咁認真，在旁的家燕姐就追問是否在戀愛中？郭珮文只能直認：「係有心地善良嘅溝通中對象！」豈料即被麥玲玲及葉念琛大踢爆，玲玲師傅笑住說：「佢好可愛㗎，我問佢今日嚟仲乜？佢竟回答我『我都唔知！』連佢帶嚟(探班)嘅朋友仔都係咁…佢有好多朋友仔支持，雖然外景地真係好遠！但佢哋一早嚟到，好乖咁等埋位。」郭珮文尷尬地回應：「只係朋友嚟，冇乜關係。」葉導加多句：「嗰度隔條河已經係深圳，普通朋友嚟探班真係好專業！」不過，郭珮文坦言都擔心蛇年犯太歳運程：「最怕啲控制唔到嘅嘢。」
實力比「最強Body」重要
及後郭珮文被追問和了解中的對象「打咗羽毛球未？」她勁難為情說：「唔方便講呢啲嘢…師傅叫我睇定啲，唔好咁認真，所以𠵱家focus唔好落喺男女關係方面，需要喺事業上把握機會。」獲讚「最強Body」的她表示會開心，但呢啲唔足夠，一定要有實力，希望今年拍多啲劇集，唔想停太耐會失去火花。
另外，莊子璇講返2023年時如坐過山車般上上落落，尤其當選港姐冠軍後受到連串攻擊，甚至批評她收買評判令她好難受：「我最討厭係食死貓，睇到社交網留言評論，感覺被世界拋棄，夜晚喺屋企時會爆喊。」莊子璇用工作及瞓覺來自我消化：「有工作做就最開心，感覺好充實及有自我價值，心態都會變好。」
女團Lolly Talk成員Sinnie及阿蛋從未接觸過寵物善終及寵物紋身，直至主持《Lolly Lolly寵物拯救隊》後獲益良多，尤其Sinnie克服了對寵物的恐懼，之前她怕熱情的狗狗；又唔敢觸摸爬蟲類動物，連拍檔阿蛋飼養的守宮都只足快掂一下。節目中阿蛋就大膽地將寵物蜘蛛放在掌心，形容寵物蜘蛛毛髮滑溜到似毛公仔，而且好可愛唔會襲擊人。
