林襄首拍電影《麻雀》唔心急做主角被葉念琛導演爆請食大閘蟹冧劇組丨獨家

更新時間：07:00 2025-01-25
發佈時間：07:00 2025-01-25

葉念琛執導的賀歲片《麻雀女王追男仔》，搵來台灣啦啦隊女神林襄客串，日前林襄專程來港接受本報專訪，她坦承首次拍電影心情好興奮，葉導就大讚她配合度高，還相當識做開工「萬歲」大閘蟹，𠱁得劇組好開心。林襄期望將來有更多拍戲機會，但不心急做主角，寧願先演女主角閨密。採訪：杜杜攝影：朱偉彥場地:K11 Art House

葉導想電影加入多點新血演出，當中人氣偶像角色，認為可搵外援，於是就諗到林襄，「我有關注佢ig，但真係唔識佢，而佢亦冇關注我，搵佢唯有試吓inbox佢自我介紹，佢當晚就覆我。」林襄收到時不但冇懷疑是詐騙，反而好驚喜，「葉導演邀約我非常驚訝，我知道他是誰，但未看過他的電影，很開心第1次拍戲就有機會到香港拍賀歲片。」

戲中林襄演青春偶像，健康性感當然不能少。

林襄跟同樣性感的陳靜，有不少對手戲。

想演女主角閨密

首拍電影的林襄，雖然角色算是本色演出，又不用講廣東話難度不高，但一樣遇上語言阻礙，「對戲時我要聽一些keyword才能接到台詞，有時間他們會自由發揮一點，我一直等不到keyword，他們都講完看着我才知道，但大家都很貼心，知道後有特別注意。」葉導就讚林襄配合度好高，更出招冧掂整個劇組，「佢只係同經理人嚟好多嘢自己搞掂，唔使我哋操心，喺現場好快同啲crew打成一片，大家都好鍾意佢，佢仲好豪氣一嚟到就『萬歲』大閘蟹，佢拍完晒工作人員排隊同佢影相嗰條龍，都冇乜見過咁長。」林襄就客氣道：「剛好認識有朋友在賣大閘蟹，就讓大家加點菜，見到大家開心就好了。」

乖巧的林襄𠱁得台前幕後都好開心。

林襄跟該片女主角高海寧齊上《獎門人》。

林襄今次只是客串，戲份不算多，她當然希望長拍長有，「有機會當然想挑戰看看，任何角色都想試試，最想挑戰女主角的閨密角色。」她解釋完全不會急着要做女主角，「我還不夠熟識悉同了解這個環境，在旁邊比較好，這次拍攝也學習了很多，了解了很多劇組環境跟流程，所以想演閨密，由旁邊慢慢做起再往上。」她談到新年願望，「希望今年一路平安，順順利利，電影票房大賣！」訪問當日帶病上陣的葉導就最想來年身體健康。