許廷鏗否認欣宜生B及抑鬱：佢幾正常爆肥仔@ERROR打牌規矩多成日「搬龍門」

更新時間：21:46 2025-04-04 HKT
發佈時間：21:46 2025-04-04 HKT

張同祖、高志森、曾志偉、許廷鏗今日（4日）出席第三屆「香港流行文化節」開幕儀式，許廷鏗擔任表演嘉賓，唱出多首電影經典歌曲，分別有《舊歡如夢》、《相逢何必曾相識》閩南話版本等。

肥仔、Jer都係麻雀腳

許廷鏗笑言為今次演出只排練了2、3次，獻唱閔南話版《相逢何必曾相識》盡量跟足周星馳版本唱，而《舊歡如夢》的舞姿則參考李克勤，本身亦很喜歡睇喜劇，由於做兩份工作，所以想睇喜劇放鬆心情，又自覺有喜感，所以好想嘗試拍喜劇。談到想跟那位喜劇演員合作，他笑指鄭中基和周星馳，但最印象深刻新年必睇電影《嚦咕嚦咕新年財》，又自爆最近經常打台灣牌，麻雀腳有梁業（肥仔）同柳應廷（Jer），又笑肥仔打麻雀規矩多多經常「搬龍門」。談到工作狀況，他表示4月中會推出新歌，稍後為另一首新歌到日本東京拍MV，逗留10幾日。談到有傳日本會出現天災，許廷鏗坦言媽媽有少少擔心，希望大家集氣保佑他。

有與欣宜聯絡狀況正常

提到可有聯絡「神隱」的鄭欣宜，他坦言有聯絡對方，狀況正常。談到有傳欣宜已做媽媽及患上抑鬱症，他說：「咁嚇人？兩款都唔係，幾正常。」問到可會約埋欣宜打麻雀，他笑言麻雀腳難約，因為要搵埋藍亦邦好難夾期，若然欣宜有新消息的話，會叫對方更新情況畀大家知。

志偉曾拍3日3夜無瞓覺

此外，張同祖、高志森所和曾志偉在台上分享為華東水災籌款開拍的1991年電影《豪門夜宴》的點滴，高志森透露徐克為《豪門夜宴》拍廠景，演員之一的曾志偉拍到3日3夜無瞓覺，雖然成本用了70萬，最後籌款獲得1200萬，又爆劉德華同毛舜筠主動致電來要求參演。曾志偉則謂演藝界不分你我，亦不爭戲份，但求參與，就連幕後人員也好齊心。

↓立即下載星島頭條App↓