姚焯菲（Chantel）和林智樂（Felix）昨天趁復活節前夕，特別到新城廣播大派復活節朱古力。

Chantel姚焯菲自爆忙到幾乎忘記節日孖林智樂大派復活節朱古力讚周嘉洛扮表姐勁靚女

更新時間：16:15 2025-04-18 HKT
發佈時間：16:15 2025-04-18 HKT

姚焯菲（Chantel）和林智樂（Felix）昨天趁復活節前夕，特別到新城廣播大派復活節朱古力，人人有份。步入大堂，第一位就派給保安及接待處姐姐，之後再禮貎地向新城高層、一眾DJ，以及幕後員工也逐一送上復活節朱古力。

習慣拍《愛．回家》環境

Chantel近日忙於拍攝《愛．回家》，她透露復活節可能要開工，但未收到確實通知，笑言忙到幾乎忘記節日。提到在劇中飾演「彤彤」一角，Chantel坦言十分享受，她開心表示：「我發現拍劇好好玩，一開始拍時會做到好僵硬，背對白多過做戲，不過每個人拍戲一開始都係咁，依家就習慣咗個環境，同埋知道彤彤應該點講嘢，會搵番彤彤講嘢嘅節奏同感情。」

Chantel笑周嘉洛有做女人天份

至於日前與劇中表哥金城安（周嘉洛飾）拍攝了一條片，Chantel透露當天在公司拍攝MV，適逢周嘉洛在隔離廠開劇，所以邀請他過來探班，Chantel表示：「佢咁啱喺劇入面扮一個女人，經理人話今日有個『表姐』嚟探班，其實我已經估到係表哥扮女人，不過我事前真係唔知佢會嚟，之後就拍咗條片。（對佢個造型有咩評價？）好靚女，佢好有天份做女人，份得好似。」而Felix亦表示有捧Chantel場，他說：「彤彤第一集出場我已經喺電視機睇，一個字，好！」

↓立即下載星島頭條App↓