保險女神零P圖曝光 入行為自由 「靚女喺呢行無咩着數」
發佈時間：00:00 2023-02-09
早前友邦（1299）一位靚女保險經紀曾寶兒（Boyi）因上載一張終極性感照而爆紅，但同時招惹部分同行不滿。性感背後，其實她目標明確，比不少同齡人知道自己想要什麼，大學未畢業已決心從事保險業，「最吸引我是收入無上限，盡早換取時間及財富自由。」
Boyi今年才26歲，但已在帶領一個有約15至20人的保險團隊，最高峰個人單月收入超過90萬元。但她並非「贏在起跑線」，在她1歲時，爸爸遇上工傷意外，導致永久傷殘，原本是家庭主婦的媽媽，成為撐起這一家六口的家庭經濟支柱。為幫補家計，Boyi於15歲開始，已做兼職，麥當勞、扮吉祥物等都做過，「又唔係壞事，早啲投身社會，學識待人接物嘅技巧，對我sell保險都好有幫助，客人都話我好有親和力，好快令佢地有共情的感覺，覺得我願意聆聽。」
回顧蜜桃臀性感照爭議：
她認為，靠打工賺錢「太慢」，因此入行前已創業開網店，「我做保險都係當生意咁做。」但她笑言無考慮過入娛樂圈「搵快錢」，「我以前都冇咁識打扮，而且出名唔係我嘅目標。」
入行4年多，她深明要在行業站穩陣腳，單靠靚女是沒用的，「或者客人第一印象會好啲，但靚女喺呢行其實無咩着數，好多客見我後生，第一句就問『你會唔會做得長架？』，甚至你付出幾多努力，haters都唔會睇到，反而會因為樣靚，就一口咬定你係靠『簽床單』。」
相關新聞：25歲女保險代理私人IG曬蜜桃臀性感照惹爭議 年收入料逾200萬元
現時她50%新單都是經現有客戶介紹的新客。她說，最重要是多增值自己，清楚了解產品，才能為客度身訂做適合的保險產品。Boyi將其經營網店的經驗，應用於賣保險，「你睇我IG就會見到我嘅努力，我一年出8000個同保險相關嘅story，我夠膽講，全行無人好似我出咁多帖文，其實變相係畀客人信心，我真係全心投入喺呢行，唔使怕變『孤兒單』。」
自從性感照引來一地花生後，她的私人IG 3日多了2500個粉絲，至今每日都有約20個私信，雖然偶有負面留言，但當中亦真是有人想向她了解保險產品，甚至吸引同行想跟她「搵食」。她強調，平日工作的衣着好得體，該性感照只是放在其私人IG，而不是放在其工作用IG，因此公司都無責難她，其上司甚至開腔維護她，「保險業最吸引係收入無上限，可以靠自己努力，令到你收入倍大，而且做保險就係想要自由，包括時間同財富自由，咁平日點解又要咁多（衣着）限制呢？」
