餐廳「果皮蒸泥鯭」無陳皮轉用生果皮 網民笑爆：年份得30分鐘
發佈時間：15:57 2023-04-17
「果皮蒸泥鯭」的坊間做法會將陳皮放上泥鯭蒸煮，辟味之餘亦能以添加陳皮果香風味。不過早前有港男到餐廳叫了這道菜式，上菜後發現「果皮」並非使用陳皮，反而採用了橙皮蒸煮！令他大為吃驚，更諷刺的是，有一位樓面員工叔叔居然正坐在他面前吃橙，貼文引起網民熱議，笑爆指：「又無錯喎，橙皮都係果皮啫！」
餐廳「果皮蒸泥鯭」無陳皮轉用橙皮 事主無奈：無陳皮又唔講聲
通常果皮蒸泥鯭的一般做法是將泥鯭連陳皮蒸煮，目的除了令魚肉帶果皮香，更是辟除魚的泥腥。不過最近有網民在Facebook群組「香港街市魚類海鮮研究社」發文，指自己早前到餐廳點「果皮蒸泥鯭」，卻發現「貨不對辦」，發現「果皮」並非沿坊間做法般使用陳皮，反而採用了橙皮蒸煮！從照片可見，碟上一共三條泥鯭鋪上一整層橙皮絲，事主大為吃驚，無奈表示：「無陳皮又唔講聲。」
他續指：「仲要畀我見到個樓面阿叔坐度食橙！」令他聯想到他眼前的「橙皮蒸泥鯭」，所用的橙皮便是來自樓面員工進食中的橙，十分諷刺！
餐廳「果皮蒸泥鯭」無陳皮轉用橙皮 網民笑：橙皮都係果皮啫！
貼文引起網民熱議，不少人留言笑指「果皮即係生果嘅皮，佢冇講錯喎！」、「冇違反商品說明條例，又吹佢唔漲喎！」、「阿叔話多謝你叫果皮蒸泥猛，佢先有橙食」、「再嘈！下次用腳皮」、「阿叔食榴槤咪大鑊！」、「雞蛋六隻糖呢就兩茶匙仲有啲……」、「創新食法」、「都係陳皮……只係30分鐘年份……」
亦有人表示不能接受：「啲橙皮擺咗上去後連啲魚都黃晒，中晒毒咁」、「整碟魚睇見都唔想食，不論它是果皮還是陳皮，啲魚浸在黄綠的水上，完全不能接受，怎麼可以擺上枱！」
延伸閱讀：尖沙咀泰國餐廳燒魚唔熟變煮燶 食客指侍應態度「好寸」兼專頁被禁言
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
