港男大鬧尖沙咀日菜海鮮價！6款菜式盛惠$4,145「我去日本機票都係$2,200」

更新時間：10:54 2023-08-23
發佈時間：10:54 2023-08-23

有男網民於Facebook發文大鬧位於尖沙咀的一間日本菜餐廳食物海鮮價，不僅食物價錢沒有標明，而且每款菜式份量少，事主一共柯打了6款食物，卻被餐廳索價$4,145！高額銀碼讓事主不禁大鬧「我去日本機票都係$2,200」。

尖沙咀日菜劏客疑雲 6款菜式盛惠$4,145

最近於Facebook群組「飲食黑店大全 (全港食店質素關注組)」有網民投訴位於尖沙咀的日菜餐廳，事主更仔細地寫下自己的經歷。他表示自己一到餐廳時，一名身材偏肥且矮的老闆已主動過來替事主點餐，事主表示「因為自助落單睇到價錢，佢幫你落餐你冇預算。」。

尖沙咀日菜劏客疑雲：

其後，事主也表示多款食物海鮮價，沒有標明實碼。事主指自己當時打算柯打一隻價值一千多元的毛蟹嘗嘗，而老闆見狀，立即推介多樣食物，當時也沒有表明價碼。

而中途老闆亦會詢問事主「係咪點乜乜乜」，事主形容店主該行為是「等你冇預兆落搭，繼續海鮮價」。再者老闆更會不斷走過來噓寒問暖，分享自己過往經歷，且詢問事主從事哪種行業，亦大讚事主「你哋一定好有錢」。事主表示老闆行為是「不停戴高帽，捉心理等你買單唔好意思同佢計算。」。

最後事主一共柯打了6款食物，分別是壽司拼盤、天婦羅蝦、薄魚刺身、2小片活赤貝、甲羅燒3個，而最後毛蟹竟開價$2,100/隻，整頓飯下來盛惠$4,145，讓事主不禁高呼「真係海鮮價！我去日本機票都係＄2,200，請問點計到 $4,145？」。

網民反稱事主「要面子又唔問價」

帖文立即引起網民的熱議，有不少網民均斥餐廳海鮮價。有人指「自己煮無咁嬲」、「正宗海鮮價」、「閣下所講嘅食品，出面食加埋最多千五。呢舖真係入咗黑店」、「張單好鬼，淨係寫總數」、「飛去日本食都夠晒」、「去日本食仲好」、「買教訓，唔熟唔食」、「相信連老闆都接受不到價錢才不告知人客，就是怕無人食」。

但也有網民指是事主問題，認為應該先問價才幫襯。有網民指「問完價，埋單時都要Check啦」、「又唔可以話老細陰你食嘢，真係要問價錢」、「海鮮價真係無得鬧，但問題係張單咩都無寫，想追返都唔得」、「樓主當時又唔出聲，正常都要睇單啊」、「智商稅，4千幾一餐不如直接去日本食」、「做乜唔問價先落單？」、「只怪你唔關清楚價錢先，龍門任佢搬」、「我就唔會比人亂點，了解下價錢，睇吓餐牌，估計下大概食幾錢，埋單我一定Check單」、「要面子又唔問價」、「點解你唔問價錢先？人地同你Sell咁耐，但隻字不提價錢，你自己唔識問㗎咩？」、「你埋單可以叫佢拎食物List嘅單來睇」、「你問咗幾錢咪唔會比人水到」、「自己要做水魚，唔抵幫」、「下次唔好咁笨，覺得唔對路就走啦」、「無明細嘅單你應該問佢攞，自己唔攞番好難怪晒人！」。

資料來源：Facebook群組「飲食黑店大全 (全港食店質素關注組)」