電飯煲蘿蔔糕食譜｜自家製馬蹄糕／蘿蔔糕食譜 FB熱爆YouTuber懶人包太太慳水慳電慳時間教學公開

電飯煲蘿蔔糕食譜｜FB熱爆YouTuber懶人包太太首創「慳水慳電慳時間」同場加映馬蹄糕教學公開

更新時間：16:58 2023-01-09
發佈時間：16:58 2023-01-09

農曆新年必食蘿蔔糕，不少人都想挑戰在家自製，不過又要蒸又要煮，霸住個爐頭又晒時間，唔係人人都有呢個心機。有YouTuber就自創出「電飯煲蘿蔔糕」及「電飯煲馬蹄糕」食譜，用普通電飯煲就得，毋須睇火極方便。食譜放上網公開之後，爆紅獲得3萬人讚好，不少網民都話跟住做好簡單！

電飯煲蘿蔔糕製作過程 ↓↓

廚藝導師 Ko Kwan 開設 YouTube 頻道及 Facebook 專頁「懶人包太太 MrsLazy.Kitchen」，不時會上載分享自創的食譜。講明是「懶人」，她的食譜都以簡單方便為主，用最基本的廚房器具，少用複雜電器，其中一個電飯煲系列，就是專以電飯煲整蛋糕麵包等各式料理。其中的電飯煲蘿蔔糕，只須備好材料、混粉、炒熟後放入電飯煲煮就得，省卻了繁覆又慢長的睇火蒸煮過程，臨近新年瞬間爆紅，兩個相關帖文在 Facebook 總共獲得超過3.5萬人讚好，YouTube教學有逾20萬次收看。

Ko 對於網民的反應非常驚喜，她自己初初學整蘿蔔糕是跟媽媽的方法做，但想簡單些，就忽發其想試用電飯煲：「傳統用蒸的方法，要注意水量和留意火力，比較麻煩。所以想試試簡單些用電飯煲，做了3、4次，先調整到自己滿意的效果。」Ko 表示只要設定好食譜份量，試清楚時間，做出來的口感跟蒸的做法無分別，「最重要是粉漿的控制，另外有一個貼士是要把糕底炒熟一點，才放入飯煲內。」電飯煲蘿蔔糕是 Ko 上年拍攝的教學短片，最近新年將至爆紅，不少觀眾跟著做後成功都有回圖給她，「好開心，可以幫到人用簡單的方法做到好味的食物，最緊要可以同家人分享！」除了蘿蔔糕，Ko 亦成功硏究出用電飯煲整馬蹄糕的食譜，同樣簡單方便，廚藝新手都可以嘗試跟著教學挑戰。