港男怒轟太子小炒店$70/隻蒜蓉海中蝦：擺明劏客！網民因1原因留言揶揄：嫌貴自己煮

更新時間：19:33 2023-10-12
發佈時間：19:33 2023-10-12

不少港人都愛吃海鮮，不過由於餐廳每日的海鮮貨量不穩定，故餐牌上一般都會寫上「時價」，最近有位男網民在Facebook群組發文怒轟太子一間小炒店「劏客」，與朋友二人叫了4隻八兩重蒜蓉蒸開邊蝦，結帳時發現開邊蝦菜式收費$280，即平均每隻$70，稱價錢比起其他酒樓與大排檔更貴，怒道：「完全係劏客模式！」事件雖然獲部分網民認同，惟有不少網民發現事主惠顧前沒有做1件事，惹來網民留言揶揄！

港男怒轟太子小炒店劏客網民因1原因留言揶揄

這位網民在Facebook群組「飲食黑店大全（全港食店質素/價錢/服務關注組）」發文，怒轟太子一間小炒店「劏客」。據帖文稱，事主在剛過去的星期六與朋友光顧太子一間小炒店，叫了「半隻霸王雞$256 、豉汁炒花甲$220、8兩重蒜蓉蒸開邊蝦$280（4隻8邊，即係$70/1隻蝦）、2碗白飯、兩支朝日」，最後三個菜式盛惠$861。

當中觸動事主神經的，正是帳單中價值$280的8兩重蒜蓉蒸開邊蝦：「我之後問返佢，普通海蝦係呀$560斤」，事主其後更去「格價」，發現此海蝦價錢比起受歡迎的米芝蓮級酒樓及大排檔更貴，文末直言：「完全係劏客模式」。

此帖一出，雖然不少網民都認同樓主，有部分更認為半隻霸王雞及豉汁炒花甲價錢都較貴：「我支持樓主，個蝦真心貴」、「貴過私房菜」、「花甲220得幾隻嘩真係食水好深」、「半隻霸王雞都普遍貴過出面好多」等；也有許多網民不贊成樓主之言，紛紛留言認為樓主惠顧前沒有問清楚價錢就下單：「食前唔睇唔問，食完先嫌貴先問，有意思？」、「故事教訓就係食海鮮前問價先」、「其實見到時價唔喺要問左先？」

圖片及資料來源：飲食黑店大全（全港食店質素/價錢/服務關注組）@facebook