速煮3款惹味家常菜 配搭有菜有肉 做法簡單零失敗｜識煮食譜
更新時間：00:01 2023-10-13
發佈時間：00:01 2023-10-13
發佈時間：00:01 2023-10-13
字體大小
煮法簡單又富營養的家常菜，最受歡迎。今日推介3款易煮家常菜，包括鮮菇肉碎燴豆腐、薯仔燜排骨、沙茶肉鬆四季豆，食材有菜有肉，注重營養均衡，惹味好佐飯。
即睇速煮3款惹味家常菜食譜↓↓
鮮菇肉碎燴豆腐 惹味家常菜好佐飯
肉碎及豆腐是家常菜常用食材，尤其適合老人家及小朋友食用。今日教煮的鮮菇肉碎燴豆腐，本菇和豆腐吸收了調味料和醬汁的精華，特別惹味可口。烹調時，先炒香肉碎，再加入蒜蓉、本菇炒勻，注入水和調味料煮滾，下豆腐煮15分鐘便可上碟。
薯仔燜排骨 經典家常菜
薯仔燜排骨是經典家常菜，先將腩排炒熟備用。另起油鑊炒香洋葱、甘筍及薯仔，加入老抽、米酒、糖及水煮滾，再將腩排回鑊燜20分鐘即成。想味道更香濃，可先以豉油、糖、麻油、胡椒粉醃腩排至入味。
沙茶肉鬆四季豆 汆水除青味
口感爽脆的四季豆最適合烹調家常小炒，今次選用香濃的沙茶醬炮製沙茶肉鬆四季豆。烹調前，先將四季豆汆水去除青味。以乾葱起鑊，加入肉碎炒熟，下沙茶醬炒勻，加入四季豆及調味料炒至收汁。除了沙茶醬，配搭欖菜、甜麵醬、豆豉醬也適合。
文：EH
立即成為《星島頭條》App會員，即有機會贏走天龍鮑魚食神禮盒！https://bit.ly/46oBNJr
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
