屯門蒸飯點心減價戰終落幕！$11平絕全港難敵1原因執笠這間成功留低變獨市即加價

更新時間：16:16 2023-11-06 HKT
發佈時間：16:16 2023-11-06 HKT

屯門點心減價戰落幕！位於屯門置樂的兩間點心店「包點料理」及「巧手製作」曾展開劈價戰爭客，最平試過蒸飯劈至$11、2份點心$20，被網民稱「可能是現在全港最便宜的飯盒」，不過最近有街坊指其中1間因1個原因結業，另外1間則有得留低，更在「頂死」對手變獨市後隨即加價，一眾屯門街坊之後再難吃到平價飯盒！

屯門點心出招鬥平！蒸飯曾劈至$11平絕全港

位於屯門置樂的包點料理及巧手製作為相鄰店舖，早在去年展開價格戰爭客，從$16/份蒸飯劈價至$13，後來更劈至$11！兩店供應的款式大同小異，分別有北菇滑雞飯、鳳爪排骨飯、鹹魚肉餅飯等等；至於點心亦同樣出招鬥平，每款點心、炸物小吃售$11，$20可選2款。

極平價飯盒當時震驚不少網民，形容$11蒸飯平絕全港：「見到呢個價錢都嚇親！」亦有人擔心價錢太平會影響質素：「食到肚痛」，當時亦有人預言「頂死隔離變獨市」，街坊以後或要捱貴價。

屯門點心減價戰落幕！因1個原因只得1間留低變獨市即加價！網民：街坊成最後輸家

減價戰往往都會有終結一日，一如當時網民所料，持續多月的屯門點心減價戰終落幕！最近屯門街坊發現巧手製作已經結業，有指是因租約期滿沒有續約而結業，如今只剩下包點料理，街坊更指「無競爭對手下，每件產品調高2元售價」。

不少街坊感歎：「鬥咗咁多年，減價戰終於完」，又指以後要捱貴價食物，表示「因為已經壟斷咗市場，無競爭，佢今年隨時加多一次價。」、「包點料理成最後嘅贏家；街坊成最後輸家。」、「終於分出勝負，贏咗就梗係要追落後啦。」、「慢慢劏返之前減價嘅錢返嚟」、「我啱啱行過都見到加咗價，而家無人同佢爭，啲飯變咗$18。」、「無競爭大家就任人魚肉，現實香港大家都明。」、「嗰陣時鬥到11蚊個盅頭飯呀，根本平到唔合理，而家慢慢做返個正常價啫，不過我就唔會再食。」

亦有網民比較兩店食物的質素分別：「包點難食，鮮竹卷每次食都有唔同口感味道，出奇過出奇，仲有打價格戰嗰排都係執咗嗰間X打包點，巧手日日排長龍，唔貴租就假。做飲食重點中嘅重點，係唔好比業主知你多客又搵到錢。」、「佢（包點料理）啲粉果最出色」、「雖然唔好食，但起碼個價錢救到好多人」、「巧手居然鬥輸咗」。

圖片來源：Facebook群組 @ 真.屯門友