兩餸飯店「唔畀揀餸」？港男上載與職員罵戰影片網民鬧爆拍片者唔抵幫

飲食

更新時間：09:00 2024-01-10
發佈時間：09:00 2024-01-10

兩餸飯菜款多、價錢又夠親民，一向是打工仔恩物，但最近網上流傳一條影片，片中港男大鬧兩餸飯店，控訴店員「唔畀揀餸」，雙方更爆發罵戰，粗口橫飛。不過網民對控訴不賣帳，並因一點，直言拍片者唔抵幫！

兩餸飯「唔畀揀餸」？港男上載與店員罵戰影片

點擊睇兩餸飯店罵戰過程：

外賣兩餸飯以多款自選菜式，以及實惠的價格，吸引不少打工仔，甚至是家庭光顧。然而網上卻流傳一條有關兩餸飯爭執的影片，竟指兩餸飯唔畀揀，令人詫異。由影片所見，有港男在香港一家兩餸飯外賣店，購買兩餸飯時與店員爆發罵戰，因而拍片公審。片中他不斷重覆「唔畀揀餸」、「你賣兩餸飯居然唔畀揀餸？」等，並以粗口大鬧店員。

心水清的網民憑片中店員的回應，例如：「個個都好似你咁揀」、「呢嚿唔啱，嗰嚿唔啱，全部畀晒你好唔好？」等，以及與下一名顧客的對話。推斷是事主太過揀擇，如要指定部位、大件等，才被店員拒絕，致其「無得揀」，而非港男意指的不能選擇菜款。影片最後店員決定退錢了事。網民一面倒鬧爆拍片港男，直指拍片公審不等於有理：「食得兩餸飯就唔好要求咁多！」、「想逐舊（嚿）簡（揀）可以去食自助餐！」並大讚店員的做法正確。

資料來源：香港兩餸飯關注組＠facebook

延伸閱讀：半島酒店VS貼地茶記！港男下午茶地點由恒指決定 14000點與33000點仍堅持1個儀式感

———

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ