港女厚福街買煎釀三寶竟無得揀？店員1句回應超離譜網民爆笑形容「煎釀盲盒」

飲食

更新時間：20:09 2024-01-19
發佈時間：20:09 2024-01-19

煎釀三寶向來是熱門街頭小食，不論是茄子、青椒、豆腐、魚蛋或紅腸，多年來都深受港人歡迎！除款式多，煎釀三寶另一賣點就係可以任揀心頭好，不過近日有港女在尖沙咀買煎釀三寶時卻被告知：「無得揀！」令她大感錯愕，即看完整事件經過！

煎釀三寶30蚊5件兼無得揀港女：我冇嬲！但好受傷！

近日有港女在Facebook發帖，表示自己早前經過尖沙咀厚福街某間小食店，因想吃煎釀三寶的炸魚蛋，於是她先向店員查詢價錢，對方回答：「$30，5件！」雖然她覺得價錢有點貴，但仍打算繼續光顧，於是向店員要求5件炸魚蛋。

本以為是平常不過的要求，但店員此時卻稱：「唔可以！無得揀」令她大感錯愕！基於自己只想食魚蛋，既然不能選擇就決定放棄購買，於是事主就表示：「噢，咁唔使啦！」豈料店員再回：「唔要咪唔要囉！」對於店員的態度，事主稱：「佢話冇得揀嘅時候，我係有啲愕然，但我冇嬲！但佢竟然喝我叫我唔好要，當刻我係好受傷，覺得好離譜。」更質疑：「係咪依家真係唔可以揀淨魚蛋？」

網民神回：「阿姐為你好咋……」

對於樓主「無得揀」的煎釀三寶奇遇，即時惹來網民熱烈討論，不少人直說「奇聞異事」、「痴X線，冇得自己揀嘅煎釀三寶真係第一次聽！」、「呢間野痴咗」，更稱「比我就立即走人」、「你可以揀，唔幫襯佢」、「執得！香港多謝哂你」等等；除「無得揀」外，不少人認為30元5件煎釀三寶，價錢也貴得不合理，「6蚊粒咁貴都無得揀，啲魚蛋鑲金架？」、「卅蚊五舊？去搶都無賺咁多」、「30元5件？！佢係咪想執左佢？」，有人更稱自家樓下的街市「廿蚊8件仲可以自己揀」！不過也有網民有另類想法，「小食店食到omakase（廚師發辦），有賺啦你」，更有人戲稱「阿姐為你好咋…… 食物要均衡，唔可以偏食」。

資料及部分圖片：Jaci Koon＠臉晝、星島圖片庫