尖沙咀海防道茶檔西多士被批似「穿窿底衫」網民怒斥賣相：仲好意思攞俾客人食？

更新時間：12:30 2024-04-12
發佈時間：12:30 2024-04-12

西多士乃香港的地道美食，做法通常都會將方麵包加入花生醬，塗勻蛋汁後，再煎香至金黃色。不過，近日有網民在尖沙咀茶檔叫了一客西多士，惟賣相實在太差，更在Facebook群組發文向網民提問：「唔知係我孤陋寡聞定係見識少」，更形容西多士的賣相似「穿窿底衫」。網民見狀紛紛留言批評西多士的質素，部分網民還安慰事主：「買大送細」。

尖沙咀茶檔西多士賣相似「穿窿底衫」食客批評

點擊睇尖沙咀海防道街市茶檔西多士為穿窿底衫

據這位網民在Facebook群組「香港茶餐廳及美食關注組」發布的帖文中，附上一張西多士及一杯飲品的相片，文中寫道：「唔知係我孤陋寡聞定係見識少，西多士咁樣上碟」，並在帖文底下標籤「海防道」及「穿窿底衫」。不少網民見狀，有留言問事主：「又係海防道黑街市？呢餐貴過食餐飯？」，並獲事主回覆盛惠$52。

不少網民也留言狠批，「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」。另有持獨特見解的網民安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。

圖：香港茶餐廳及美食關注組@facebook