疑因「阻收工」起爭執｜港客遭太古中菜館惡侍應爆粗兼郁手？全網公審惹經理不忿：我都想投訴！
更新時間：08:00 2024-05-20
發佈時間：08:00 2024-05-20
發佈時間：08:00 2024-05-20
字體大小
「今時今日咁嘅服務態度唔夠架」。早在廿年前，政府已拍攝宣傳片希望提升服務質素，不過直至今時今日，香港的服務業依然經常出現爭議。近日就有一位港客在網上討論區大呻，指自己被惡侍應無禮對待，「爆粗兼動手」。網上群情洶湧，涉事餐廳經理就咁回應......
康怡金公館爆服務爭議 港客涉「阻收工」被爆粗趕走
點擊睇港客與侍應衝突全過程＋經理回應：
一名港客近日在 Facebook 討論區大呻，指自己到太古康怡廣場的中菜館「金公館」食晚飯，但卻慘遭員工為趕客「爆粗兼動手」。事主以長文詳細講述了事發經過，並配上一條 7秒的短片。事主指自己發文「預咗可能俾人鬧轉頭係西客，俾個幾百蚊當自己係皇帝」，但事主自問自己對人客氣，「唔係搞事嘅人」，不明白為甚麼會遇到如斯服務。事主經歷全過程詳見上文圖輯。
網民反應一面倒 經理激憤回應：我都想投訴！
事主的分享引起大量網友討論，網友一面倒批評侍應做法，更揚言應該「報警話佢襲擊」、「唔報警，你們現在叫縱容」、「呢條友不適合做服務行業」、「影衰哂香港餐廳」。不過亦有少數網民認為，事主的態度一樣有問題，「侍應係西，但你嘅語氣態度都好 x 西！」、「冇前冇後，放段片就話人吾（唔）啱，講咩都得架喇」。
《星島日報》就事件向金公館查詢，當時在場的張經理親自回應。張經理表示，當時男員工確有跟其他同事提及尚有碗未洗的話語，但只屬員工間談話，並非有意說給客人聽。對於只有 7秒的片段被放上網造成輿論，經理不忿表示片段並非全面，更列舉1事表明餐廳並不會趕客，詳見上文圖輯。
同場加映：深圳陳鵬鵬潮汕菜攻港訂4大服務承諾 「衝擊」香港飲食業
－－－
緊貼最新最快新聞資訊，請立即下載星島頭條App：https://bit.ly/3Q29Vow
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
