自備膠飲管被阻止食客與餐廳侍應險釀衝突怒斥：乜X嘢唔得呀？網民反應兩極

更新時間：15:18 2024-05-21
發佈時間：15:18 2024-05-21

首階段「走塑」措施於4月22日起實施，食肆堂食必須全面轉用可重用餐具或非塑膠替代品，不過，巿民似乎仍對措施有不少「誤解」。近日，有網民稱到餐廳用膳時，準備以自備的膠飲管替代餐廳提供的紙飲管，卻被侍應阻止，更因此發生口角，怒斥對方「乜X嘢唔得呀」。事件在網絡上火速發酵，引起網民兩極化討論，部分人認為事主小事化大，部分則指責餐廳侍應未有清楚了解「走塑」規例便胡亂「為難」食客。

餐廳侍應阻止食客用自備膠飲管 1原因被網民反指要求不合理

點擊睇食客自備膠飲管事件經過：

泰國餐廳食到一肚火食客自備飲管被「提醒」

該名事主在Facebook群組「422『齊走塑』環保消息關注組」中發帖，憶述他日前於將軍澳某泰國餐廳用膳，席間點了一杯凍檸茶，而餐廳根據管制即棄塑膠新法例，為食客提供紙製飲管，事主見狀，便打算使用自行準備的膠飲管，「見佢用紙筒，換咗自帶膠筒」。

惟事主掏出膠飲管時，一名身穿藍色制服的女侍應隨即上前制止，「（侍應）話唔用得膠管」，他當場大發雷霆，高聲怒斥「乜X嘢唔得呀？邊X度唔畀呀？」，侍應亦沒有再出聲反駁。事主續指「如佢再嘈我即刻拍片」，並會將影片散布在網絡上。

網民：小事化大 vs 侍應誤解

在餐廳換上自備膠飲管的經歷掀起網民的兩極化討論，部分網民認為事主小事化大，「政策又唔係個職員定嘅」、「不要為難職員，佢都係打份工啫」，指事主向侍應解釋清楚飲管是自備物品即可，「一場誤會，唔駛咁」。反之，有部分網民就表示法例並沒有禁止食客使用自備餐具，是侍應誤解「走塑」政策，批評餐廳要求不合理，「職員難為食客先喎」、「啲夥計一知半解，老細又無講清楚」，認為事主使用「私家」膠飲管沒有獨犯法例。