港男不滿香港餐廳搭枱文化狠批是陋習！網民有共鳴「無客都要搭枱！」最怕同枱遇上這種人：食得唔開胃！

更新時間：17:04 2024-05-22
發佈時間：17:04 2024-05-22

繁忙時間要「搭枱」絕對是香港餐廳的常見現象，不過最近有港男狠批「搭枱」行為是陋習，表示入到餐廳「見到要搭枱即走」，引起不少網民的共鳴，直言不滿「搭枱」文化：「迫到XX都要塞人入嚟，講緊係連枱都無乜位放食物。」、「就算避開繁忙時間，半場空枱都封起啲枱，要你搭檯」，更有人指最怕同枱遇上一種人：「食得唔開胃！」

港男不滿香港餐廳搭枱文化狠批是陋習！

最近有網民於連登討論區以「香港餐廳幾時肯戒除搭枱呢個陋習？」為題，發文狠批香港餐廳搭枱文化，直指餐廳「趕客」，表示「見到要搭枱即走。」

引網民共鳴：「無客都要搭枱！」最怕同枱遇上這種人？

貼文隨即引起網民共鳴，不少人表示認同樓主的看法，「迫到XX都要塞人入嚟，講緊係連枱都無乜位放食物。」、「試過4人枱4個人都係唔識。」、「食食下要你調枱先至最X」、「而家我都學識個位唔啱坐直接走，唔駛格硬去食」

有網民不滿即使是非繁忙時間，餐廳員工都會要求「搭枱」，「明明有位都要搭枱」、「成日繁忙時間同非繁忙時間同一個做法」、「啲阿姐同老細心地唔好，半場空枱都封起啲枱，要你搭枱」、「間嘢好多人嗰陣佢問你肯唔肯搭枱我覺得ok，唔肯搭咪等位或第二間，但係唔多人都要你搭枱真係即刻black list（黑名單）」、有人更指最怕同枱遇上這種人，直言會「食得唔開胃！」詳見圖輯。

不過亦有網民認為平價餐廳「搭枱」是無可避免：「去茶記嗰啲算X數啦，反正大家都想快手食完就算」、「fine dining（高級餐廳）就唔使搭枱，你畀得起錢實得」、「現實上就係一分錢一分貨，你食個茶記畀茶記價錢就係要接受呢啲」、「間間都係唔搭枱嘅話成個觀塘中環可以唔使出街食lunch。」

來源：連登討論區