酒樓外賣沙律炸蝦條最後收到1樣嘢!? 港女投訴貨不對辦

更新時間：08:30 2024-05-31
發佈時間：08:30 2024-05-31

香港人生活節奏急速，加上外賣平台大行其道，不少都市人在忙碌中都會叫外賣以節省時間。每次外賣下單，多數只能單憑菜式名字或圖片來點餐。近日就有網民外賣到手打開的一刻，才驚覺酒樓外賣貨不對辦，「沙律炸蝦條」竟無沙律醬？！

港女投訴酒樓外賣貨不對辦「沙律炸蝦條」竟無沙律醬

近日，有一名港女在社交平台Facebook「飲食黑店大全 (全港食店質素/價錢/服務關注組)」群組發文，大呻酒樓外賣貨不對辦。事緣，事主在石硤尾一間酒樓叫外賣，點了「外賣小菜三寶」，包括魚香茄子、沙律炸蝦條及鎮江香醋骨，盛惠$138。惟事主收到外賣後，打開發現「沙律炸蝦條」竟然沒有提供沙律或沙律醬，續打電話到酒樓查詢，向職員表示「我叫沙律炸蝦條，唔係吉列蝦。」男職員接聽電話卻回覆指客人需要自備沙律醬，「沙律醬炸唔到嫁，呢味餸係比你返屋企點沙律醬。」

網民鼓勵報海關「犯了商品說明條例」

事主得到男職員如此的答覆，感到非常愕然，續說「咁你至少都跟盒沙律醬比我，你連沙律醬都冇，咁都叫沙律炸蝦條？」，未料竟得到男職員以粗口回覆「X！」並直接Cut線處理。事主在帖文內無奈表示「唉，比錢買難受，仲要比人粗口問候。」帖文一出，引來不少網民熱烈留言回覆。有人搞笑表示「佢冇比醬你，但你有比醬佢，比佢吹X醬」、「咁黑松露薯條都係俾薯條？自已去歐洲買黑松露啦！」；亦有網民認為貨不對辦，建議可以報海關，「咁可以告得啦！報海關，犯了商品說明條例！」、「報海關，根本就係呃人」。