網民質疑深圳燒鵝靠「科技與狠活」？隔夜翻叮仍皮脆肉嫩用咗淘寶皮水煙燻水？資深中菜師傅拆解…

更新時間：10:30 2024-06-08 HKT
發佈時間：10:00 2024-06-08 HKT

北上消費愈來愈方便，近年甚至興起返深圳買餸，尤其是燒味就寧舍受港人歡迎，好像羅湖、蓮塘等熱門口岸就有多間燒味檔進駐，售賣脆皮燒肉、鹽焗雞、燒鵝燒鴨等人氣燒臘。不過近日有網民在facebook群組發文，貼出幾款淘寶可買到的上皮水、填肚醃料及煙燻水等，質疑內地脆卜卜的脆皮燒鵝是靠「科技與狠活」做成，引來網民熱議。

燒鵝翻叮後仍脆卜卜網民質疑靠「科技與狠活」

點擊睇網民質疑內地燒鵝靠淘寶上皮水+專家拆解︰

網民經常會在小紅書上大讚深圳燒鵝皮脆肉嫩，但最近就有人在facebook「全港店舖消息關注組」群組上，發文質疑內地燒鵝脆皮的原因。這名網民上載了幾張可以在淘寶上找到的現成食品添加劑的圖片，例如有「燒鵝脆皮王」香精香料、適用於燒鵝燒鴨的上色脆皮水、可增香去腥的燒鴨烤鴨醬，以及5斤大桶裝的增脆增彈脆皮水。她更貼文指「唔明點解咁多人咁驚訝上面啲燒鵝皮好脆」，就算隔夜翻叮後仍是脆皮，覺得「好恐怖」，質疑「仲有乜嘢係上面嘅科技與狠活做唔到？」。

資深中廚拆解香港燒鵝有冇用？

帖文一出引來不少網民討論，有人認為「廿幾年前已經有，仲有永遠都唔腍嘅燒豬皮，幾時食都咁脆口」，並指「自從見過呢枝野，我都叫我爸媽唔好再北上買燒肉」、「不過睇嚟好快香港燒味鋪都用，用呢啲野門檻太低」。《星島頭條》就此事件邀請到資深中廚拆解，究竟上皮水、煙燻水在製作燒味時有何作用？香港或內地的燒鵝又有否用到這些淘寶盛行的現成「食物添加劑」呢？詳情可見上文圖輯。

資料及圖片來源︰全港店舖消息關注組@fb