2歲BB照收茶位費？網民不滿屯門餐廳做法惹網民罵戰：大肚婆應該當兩位

更新時間：19:44 2024-06-11
發佈時間：19:44 2024-06-11

酒樓及部分餐廳都會向客人收取茶位費，但最近有網民在社交媒體群組發帖，稱早前在屯門一間餐廳用膳後，結帳時發現餐廳向同行的2歲BB收取茶位費，「係香港咁耐真係未聽過2歲BB都需要收茶位」。帖文一出，惹來不少網民熱烈討論，究竟2歲BB應不應該收茶位費？

網民呻屯門餐廳向2歲BB收茶位費

點擊睇港媽呻屯門餐廳向2歲BB收茶位費：

這位網民在Facebook群組飲食黑店大全（全港食店質素/價錢/服務關注組）發帖，表示一家三口在屯門時代廣場的一間餐廳用膳，結帳時發現餐廳向同行的2歲BB收取茶位費。從樓主上載的帳單可見，茶位3位總共$24，換言之一位茶位費盛惠$8。最初樓主以為收銀員弄錯，遂向收銀員查問：「2歲BB都要收茶位？」，卻換來收銀員以強態度強硬的回應，詳情請點擊圖輯。

網民反應兩極

樓主的經歷吸引不少網民熱烈討論，部分網民認同餐廳的做法，着眼點集中在佔用座位之上，「咁你個2歲B有冇佔座先？有就咪嘈，雖然係叫茶錢，但你當係座位費咁解」、「佢覺得你已經佔用左佢一個位，所以收」及「茶位唔代表飲茶，係講緊佔嘅座位，即係茶樓嘅座位，咁諗個心會舒服啲」。至於也有不少網民持相反意見，除了認為BB不飲茶之外，也覺得若BB無用到餐具，就不應該收費，還有「大肚婆應該當兩位」及「正常3歲前，酒樓都唔收茶位」。

另外亦有網民疑惑，「照好多人講佔咗一個位就要收茶位錢，咁好多人攞個手袋或者背囊放喺一張櫈度咁係咪都要收？」、「我真係想知道如果帶隻狗或貓去會收茶位嗎？」。

圖：飲食黑店大全（全港食店質素/價錢/服務關注組）