港男$220外賣燒味雙拼飯實物竟然少咁啲嘢？怒斥燒鵝名店︰令港人蒙羞！

更新時間：11:49 2024-06-14
發佈時間：11:49 2024-06-14

無論是買嘢或是去餐廳食嘢，最怕就是貨不對辦！尤其是當購買的貨品或美食，並非幾十蚊就能交易的時候。近日有位港男就在網上討論區發文，指自己在尖沙咀西九高鐵站一間燒鵝名店，買了一份價值$220的燒味雙拼飯外賣，怎料打開飯盒見到燒味實物後，令他大失所望，更出po怒斥店家「令香港人蒙羞」，事件引起網民廣泛討論及熱議。

港男燒鵝名店買外賣 $220雙拼飯貨不對辦？

點擊即睇$220燒味雙拼飯真面目︰

事發於上星期六（6月8日），這名網民在香港討論區以「好心成220蚊一個飯就唔好偷到咁嘅鬼樣啦。真係令香港人蒙羞」為題發文及相片，指當日自己以真金白銀在尖沙咀西九高鐵站的一間本地人氣燒鵝名店，買了一份盛惠$220的外賣燒味雙拼飯，並非使用消費券或福利飯券換領。怎料甫打開飯盒後，兩款燒味都同樣是「少咁啲嘢」，貨不對辦，令他大為震驚及無奈，直斥店家「令香港人蒙羞」，更自嘲「欣賞師傅你嘅坦率」。

帖文一出引起網民廣泛熱議，有人對事深表同情，認為「師傅擺明係搶」、「貼錢買難受」、更說「220蚊，你有120蚊係食個舖租錢」、「西九站搭去福田，買埋飯再搭高鐵返嚟可能都唔使咁貴」，建議事主「以後唔幫襯」。亦有人認為餐廳已明碼實價，反嘲事主「其實食牌子野，自願交智商稅，仲有乜好嘈？」、「其實係遊客至會課金」及「嫌貴就咪係香港高鐵食」。

資料及圖片來源︰香港討論區