荃灣任食飯堂換名重開增點心放題！午市自助餐減至$50 網民唔睇好︰出名伏 以為改名呃到人？
發佈時間：18:24 2024-06-15
香港市道低迷，不少食肆紛紛結業，例如主打$38起平價任食早午餐的荃灣西灣香飯堂，開業不夠兩個月已經執笠，但最近有人發現餐廳「東山再起」！日前有網民於facebook群組分享，在西灣香飯堂原址有另一間「荃運飯堂」開業，同樣主打任食早午餐，但午市價錢減至$50兼新加任食點心，懷疑是「舊酒新瓶」，引起網民熱烈討論。
荃灣任食飯堂換名重開 西灣香VS荃運？
點擊睇荃運任食午餐$50+點心放題︰
位於荃灣大涌道工廈地下的西灣香飯堂，於4月初開幕，主打$38任食早餐及$58任食午餐，主要供應港人常吃的粥品、炒粉麵、豬骨例湯、潮式滷水、小炒蒸菜及白飯炒飯等，跟餐還可以任飲楊梅青檸、生椰奶茶、咖啡、新鮮豆漿等飲品，似乎非常抵食。
回顧早前報道︰荃灣新開平價飯堂$38起任食早午餐！粥品／蒸點／小炒／湯水任飲任食 網民實測有咩評價？
不過有網民發現飯堂開業一個多月後，門外標明價錢及食物的巨型海報已消聲匿跡，換來是一塊寫上只得10個餸選擇的$58中餐午市套餐。但網民似乎不覺可惜，皆因有試食過的人表示「似食廚餘」、餐廳「衛生情況差」及「沒有重新添加餸菜及飲品」。
回顧早前報道︰荃灣平價飯堂$38任食早餐消失？$58任食午餐僅限9款菜式 網民： 孤寒放題不如唔好做
最近有網民在facebook群組荃灣人發帖，文中寫道「終於面對現實，除去面具，空頭支票不能兌現，唯有一切重新來過。。。。。。」。從帖文中的附圖可見，早前茶餐廳牆外張貼的巨型海報，上面曾「大大隻字」標明$38任食早餐及$58任食午餐，已經消聲匿跡，只留下放在茶餐廳門口的一塊白板。點擊睇荃灣工廠區茶餐廳$38起任食早午餐最新情況。
原址新餐廳「荃運飯堂」開業 網民咁睇…
而日前再有網民於facebook的「荃灣人」群組中分享，指西灣香飯堂原址有新餐廳「荃運飯堂」開業，同樣主打平價早午餐任食任飲，兼且推出晚市小炒，懷疑是西灣香飯堂改名後「重出江湖」，不過任食價錢比起西灣香更便宜，兼有點心放題。
帖文一出，引來網民熱烈討論，不少人依然唔睇好這間「新店」，認為「$50食垃圾唔好啦，食過兩餸飯都冇咁嬲啦」、「都係果個廚，都係賣緊垃圾」、「間野出晒名伏，以為改名就可以呃到下人」。但都有網民覺得要俾個機會店家，「做乜趕到咁絕啫，人哋都係盡力去做」、「百貨應百客，都叫做多一個午餐選擇，好唔好試左再講」。
資料及圖片來源︰荃灣人、香港茶餐廳及美食關注組
延伸閱讀︰Market Place加入兩餸飯戰圈！10+款菜式任選最平$XX 網民嘆難敵潮流 關注組版主解畫：並不出奇！
兩餸飯店菜式選擇多，加上價錢相宜，成為不少繁忙都市人解決一日三餐的「好幫手」，甚至出現社交平台關注組，討論各區兩餸店的質素及新店資訊等。最近，有網民在Facebook「香港兩餸飯關注組」發文，表示位於九龍灣的大型連鎖超市Market Place都可以買到兩餸飯：「九龍灣德福Market Place都抵抗唔到個潮流，加入兩餸飯行列」！
兩餸飯關注組版主現身解畫：並不出奇
目前有不少大型超市都有出售兩餸飯或者熱炒小菜，如百佳、惠康及一田等。根據網民留言及關注組其他帖文所見，九龍灣Market Place的兩餸飯及三餸飯售價分夠為$38及$43，另可以加$10轉菜底。有網民認為九龍區一帶多打工一族，兩餸飯應該有市場：「嗰到多打工人士，兩餸飯應該有得做」；亦有網民覺得超市進軍兩餸飯界別，有「爭埋人哋碗飯」之嫌，而且價錢不算便宜，不過樓主表示在同區來說已屬較相宜的選擇：「喺德福叫做平，行去工廠區就更平」。
根據兩餸飯地圖資料顯示，這間Market Place原來早於2022年5月已有售兩餸飯。對於連鎖超市加入兩餸飯戰場，「香港兩餸飯關注組」版主在帖文下留言，表示香港大型超市賣兩餸飯歷史悠久，絕對不足為奇，詳情點擊圖輯了解。
---
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
