食客投訴屯門拉麵店出品似「特別麵餅」反遭店家發文質疑：唔知咩用意？

更新時間：15:38 2024-07-12
發佈時間：15:38 2024-07-12

日本拉麵大致上可分為6大門派，麵條粗幼及湯頭都各有特色，有時候不能前往日本品嚐拉麵，在香港也可以一解「鄉愁」。惟最近有網民在Facebook群組分享在屯門一間人氣拉麵店吃拉麵時，遇上不愉快的用餐體驗，形容拉麵的麵餅「好特別」，隨即惹來其他網民熱議，而該拉麵店亦在其社交平台限時動態發帖疑似作出回應……

網民拍片分享屯門拉麵店「特別麵餅」

這位網民最近在Facebook群組「香港/日本拉麵關注組/分享群」發帖，指「幫襯」一間屯門人氣拉麵店，點選了「鹽味雞清湯」拉麵，拉麵上枱後不久發現「麵餅好特別」，並附上一段6秒的短片。片中可見，樓主用筷子夾起拉麵，惟拉麵沒有散開。帖文一出，隨即引來網民熱議，「個面硬㗎喎」、「真係舊餅」、「黐埋一齊？」、「嘩，個麵打咗Botox呀？」、「好似噴咗hair spray嘅頭髮」等，有曾「幫襯」的食客則表示，「佢個鹽味雞我都試過，其實現場睇住佢煮，都成4分鐘1碗，好難想像呢個髮型keep得咁好」、「無寫食評，路過：碗野擺盤係一流，加上鋪頭燈光+環境，令到成件事高級左，同埋碗野好夠熱，但食落去真係過淡，只係佢用油令麵更易入口」。

網民批拉麵出品似「麵餅」店家社交平台反駁：到底係咩用意

就以上帖文及留言，店方也在其官方Instagram限時動態發文疑似作出回應，稱樓主的拉麵已擺放3、4分鐘，質疑他拍片放上網的用意，並表示「我哋只係熱愛拉麵，熱愛煮拉麵嘅普通香港人」，將會繼續學煮麵，以及「多謝及感激咁多位同我地不離不棄，我地只好繼續努力，回饋各位」。在截稿前，店方在其IG限時動態，表示自家製麵，將會不日推出。

圖：Facebook@香港/日本拉麵關注組/分享群