過萬蚊食法國餐中「大伏」? 港女怒控中環米芝蓮餐廳食物/服務差 「貼錢買難受」
發佈時間:09:00 2024-08-05
![過萬蚊食法國餐中「大伏」? 港女怒控中環米芝蓮餐廳食物/服務差 「貼錢買難受」](https://image.hkhl.hk/f/1024p0/0x0/100/none/7bb21628be484b84e9b2f275a4ecdd75/2024-08/_converted.png)
餐廳有平有貴,一般越貴服務質素就越高,食物亦越好。不過近日就有一名港女在社交平台怒控,她與朋友光顧一間在中環的高級西餐廳,一行 9 人埋單花了萬多元、人均過千,花費不少但體驗卻不符合預期,不單食物味道令她失望,服務更是一言難盡,令她與朋友氣得大呻「黑店」、「中伏」!
港女大數中環餐廳 6 宗罪 食物難吃「老闆仲玩情緒勒索」
點擊睇港女對食物/服務評價:
港女光顧的餐廳位於中環,售賣法國菜,餐廳擁有米芝蓮一星的頭銜,甚有名氣,人客亦不少。為了這餐飯,港女提前預約了 6:30pm - 8:30pm 的位置,亦在 WhatsApp 亦已提早落單。做足準備,準時到達餐廳,不過食物依然是 8 點左右才上齊,但餐廳依然要求她們一行人準時 8:30pm 離桌。期間使用的方法及老闆的話語,都令她們一行人「嬲晒」,同時食物質素亦被她們批評得一文不值,詳見上文圖輯。
網民:這間惡名昭彰了很久
港女強調,價錢貴不是問題,但要「物有所值」。她明白「師傅有心情,來貨食物有參差」,不過服務態度卻很重要,「如果有好態度搭夠,都唔會令人覺得背脊骨落」。因為餐廳服務實在太令她憤怒,她才「嬲到唔知要寫係邊」、「唯有係自己 threads 到發洩下」。
港女的帖文引起不少網民討論,有網民看完港女分享的相片後狠批餐廳是「有擺盤嘅兩餸飯」、「成皮嘢一餐但係張枱連枱布都冇就過份咗少少喇」、「Fine dinning 界別既明將」。有曾光顧過的網民表示感受相同,「之前食佢嘅態度都真係幾差,所以食完一次就算。 野食完全overrated + overpriced」、「啲 dish 又貴又奇怪仲要唔好食」、「食完之後嬲咗成晚,覺得完全唔值咁嘅價」。
有網民則表示,這間餐廳在網上的名聲一向極差,港女並不是第一個公開投訴,「依間野服務態度已經惡名昭彰咗好耐,辛苦你哋貼錢買難受」、「Google 評論好多都話服務勁差又勁sell」、「OpenRice惡評如潮你都去試伏真係無得怨」。不過亦有網民為餐廳說好話,逐一回應港女對餐廳食物的評價,尤其是港女批評青口細隻並不合理,「法北 Normandy 食過3/4次青口,都真係全部都細隻嘅,大大隻嗰啲反而唔普遍」。