網民踢爆連鎖餐廳疑用內地預製米飯！怒斥離譜︰啲飯成個蘿蔔糕咁！同一餐廳曾推無檸檬檸茶

更新時間：17:53 2024-09-26
發佈時間：17:53 2024-09-26

外出去餐廳食飯，無非是想吃到美味又熱辣辣的菜式！但日前有網民在社交平台上發文分享，指本地某集團的連鎖餐廳疑似用內地產的預製米飯，「連飯都唔煮，直接叫貨」。帖文一出，引來大批網民留言熱議，怒斥餐廳離譜，有人更指「早估到，佢啲飯成個蘿蔔糕咁」，並揚言「唔會再幫襯呢個集團旗下嘅餐廳」，即睇以下圖輯詳情。

某集團連鎖餐廳遭網民踢爆疑用內地產預製米飯

點擊睇本地連鎖餐廳疑用預製米飯+網民點睇︰

近日有名網民在facebook討論區「香港茶餐廳及美食關注組」中，圖文並茂指發現本地某餐飲集團的連鎖餐廳門外，擺放了6大箱內地產的預製米飯，以及兩箱中國鮮雞蛋，質疑餐廳是「連飯都唔煮，直接叫貨」。不過，事主表示「唔覺得有問題，因為佢本身都唔好食」，並解釋現時很多食物「都可以預製或者工場貨，好唔好食係一個關鍵問題，而唔係叫貨定自家製」。

深圳食品公司生產淘寶有賣每盒¥3.8起

從事主上載的照片中可見，幾箱「米飯」的紙盒上印有「飯飯得Fun Fun Deli」的商標，盒側則印有產品的詳情資料，顯示產地是廣東省河源市，「生產企業」為河源市飯飯得食品科技有限公司，而米飯的主要配料有大米、水、食用調和油及食用鹽，只需將米飯封口膜割開，直接放入微波爐以750w加熱4至5分鐘即可食用。

而從網上資料顯示，河源市飯飯得食品科技有限公司是由深圳市飯飯得食品有限公司於2016年投資與建，而總公司則於2010年成立，主要生產企業團餐、學生餐、應急餐、堂食及流通便當等，當中包括預製米飯。在產品介紹上則表示該公司有超過20年的工業化食品行業經驗，是專注做健康預製菜，有工業化食品研發團隊及自設中央廚房生產，保障品質，並會以高溫滅菌來鎖住美味。另外在淘寶網上亦可搜尋到「飯飯得食品工廠店」，其中獨立包裝的招牌米飯每盒售¥3.8起，每箱70個則售¥218。

網民怒斥質感似「蘿蔔糕」同集團曾推出「無檸檬」檸茶

帖文一出，隨即引來大批網民評論。不少人都批評餐廳離譜，指預製米飯是「高科技化學餐」、「早估到，佢啲飯成個蘿蔔糕咁」、「叫貨點會好食呀，又多防腐劑，點都係新鮮的好食架啦」、「呢啲預製米飯加熱就食得，好方便，不過好難食」，並感慨「以前啲茶記食到飯香，而家冇啦」、「家陣香港啲茶餐廳，真係好難揾間啲飯係食得嘅」、「遲啲廚房冇人識煮飯」。

亦有網民曾經拍攝到同一集團旗下的另一間冰室門外，亦擺放過相同牌子的預製米飯，估計正等待餐廳收貨。事件隨即引來網民重提約兩年前，這個集團的餐廳出品的檸茶無檸檬，疑似用檸檬沖劑製作，認為「香港淪落到劣吃至極」、「自從飲完冇檸檬既檸茶就已經永久blacklist呢間嘢」，並揚言「唔會再幫襯呢個集團旗下嘅餐廳」。記者亦就此事向集團查詢，但於截稿前仍未獲回覆。

資料來源︰香港茶餐廳及美食關注組@fb、河源市飯飯得食品科技有限公司