知名茶記招牌炒蛋失手！大埔店食客投訴貨不對辦網民批賣相差：叫佢走汁

更新時間：14:00 2024-10-18
發佈時間：14:00 2024-10-18

本地餐飲業結業潮不止，其中部分食肆服務及食物質素更不時成為詬病。最近，有網民在社交平台發文，投訴大埔一間冰室的炒蛋質素不乎預期，該冰室更是以「用心做好炒蛋」作招徠，事主稱曾向店長反映，惟對方敷衍回應，於是決定將炒蛋相片公開，直言要讓廣大網民「評吓理」。帖文隨即引來網民熱議，部分認為賣相肉酸之外，部分甚至揶揄，「叫佢走汁」、「俾支飲管黎啜返啲蛋汁」。

炒蛋名店炒車！大埔冰室食客投訴炒蛋貨不對辦

這位網民最近在Facebook「香港茶餐廳及美食關注組」發文，甫開首就開名投訴該冰室，直言「個炒蛋唔掂，炒到水汪汪」。據文中載道，樓主已向店長反映，本以為對方會更換炒蛋，可惜事與願違，「點知佢剩係哦左一句，換都唔換」，惹來樓主不滿，「擺上黎等你地評下理」，並上載了「水汪汪」的炒蛋原貌，點擊圖輯看詳情！

網民批賣相肉酸：叫佢走汁！

帖文一出，隨即引來網民議論紛紛，不少網民都認為炒蛋賣相不討好，「賣相好肉酸」、「睇見都反胃」及「似我今朝肚痾果篤」，甚至揶揄其質素，「我撈左成三十多年水吧，都炒唔到咁流心」、「專業廚到炒到咁，我家太太可做米芝蓮大廚囉」、「簡樸蛋湯，新食法」、「叫佢走汁」及「加水炒蛋」。另有網民向樓主提出建議，「呢啲情況千祈唔好叫佢炒過碟，以唔好再幫襯佢」、「換俾你仲驚呀！我唔會叫佢換，最多以後唔去」及「換煎蛋吧！」

文：金三珣　圖：Facebook@香港茶餐廳及美食關注組