叙福樓CEO黃傑龍分享集團15年快速轉型 1消失食肆勾網民集體回憶：而家好難搵平靚正點心

更新時間：11:49 2024-11-08
發佈時間：11:49 2024-11-08

有云：「有人辭官歸故里，有人漏夜趕科場」，正好套用於本地飲食業的景況，雖然不時都傳來老牌食肆結業的消息，惟也不乏有新食店開張。最近叙福樓集團CEO黃傑龍在社交平台發文，公開2009年及2024年的個人名片，發現集團旗下食肆15年來的轉變，「當年都仲未引入牛角、溫野菜，然後一數原來當年卡片上邊所有品牌除咗牛涮鍋MMC之外都已經全部冇晒」，坦言「根本改革同轉型從來都冇停止過」。帖文勾起網民紛紛懷念對已「消失」食肆的回憶，有網民甚至大嘆：「而家平靚正嘅點心好難搵」！

叙福樓CEO黃傑龍分享集團15年快速轉型

叙福樓集團CEO黃傑龍早前曾在其Facebook專頁「黃傑龍 Simon - 窮富翁好人好事」發帖，稱旗下人氣餐廳「挽肉と米」2號店確定進駐尖沙咀海港城，又表示公司分店及品牌組合正在快速轉型。

近日他再發文，載道有天家中的書本跌出了一張2009年的舊卡片，發現卡片上的食肆有不少已經結業，「當年都仲未引入牛角、溫野菜，然後一數原來當年卡片上邊所有品牌除咗牛涮鍋MMC之外都已經全部冇晒，轉型到去而家左手邊身嗰張卡片」。他又指自2009年至今，集團旗下的品牌都已經更新，「根本改革同轉型從來都冇停止過」，又回想從前接手集團時的情況，「嗰陣時根本只係得四間屋村酒樓，到而家接近60間只係剩返一間屋村酒樓」。

他又預測，「五年後可能現有嘅品牌比現在應該都會豐富好多全新面貌」，並坦言做生意可以不斷嘗試，期待又好玩。

網民大嘆：而家平靚正嘅點心好難搵

帖文一出，有網民懷念已消失的食肆，並分享昔日的回憶，尤以叙福樓為甚，「不講不知原來夏麵館曾經係敘福樓嘅喎」、「想當年就係-御苑皇宴結婚，仲要係megabox大場」、「好掛住敍福樓嘅燒雞，童年回憶」、「以前敍福樓個薄餐真係唔錯」及「我細路仔時食敘福樓大，我住果到有敘福樓，我家母成日跌錢係你哋到由早茶到晚飯有時會斬料加送！」，更有網民希望已消失的食肆回歸，「希望敘福樓開返，而家平靚正嘅點心好難搵」及「期待更多香港本土特色餐廳，如果敘福樓回歸就更好喇」。

文：金三珣圖：Facebook@黃傑龍 Simon - 窮富翁好人好事、星島圖片庫