荃灣海鮮火鍋放題被轟「趕收工」！ 港女9時入座不足2小時被催「食快啲」 列4宗罪表明「唔會再去」
發佈時間：09:00 2024-11-16
近年，本港餐廳的飲食質素和服務態度備受討論，日前有網民在社交平台上怒轟荃灣千海水產海鮮火鍋放題服務態度惡劣，店員因「趕收工」而催事主「食快啲」！事主其後更列出4宗罪，表明「以後唔會再去」。事件引起網民熱議，有網友表示，「Blacklist（黑名單）」、「貼錢買難受」。
食客入座不足2小時被催「食快啲」列4宗罪表明「唔會再去」
近日，有網民在Threads上發文，批評位於荃灣的千海水產海鮮火鍋放題服務態度惡劣。事主表示，自己光顧的是限時2小時的即撈海鮮火鍋放題。她於晚上9時入座，惟時限未到，就有店員因「趕收工」而催促事主「食快啲」。事主其後列出4宗罪，怒轟餐廳「服務極度差」，更表明以後「唔會再去」，詳情可點擊上文圖輯。
網民留言：貼錢買難受
有網民認同餐廳質素差，「一開始就根本垃圾，成堆YouTuber去拍片就知乜事」、「食得咁大壓力，唔想貼錢買難受，依家要走出去撈，又要等人洗同劏，兩個鐘行行企企，真係冇咩時間食」、「呢啲限時放題，真係貼錢買難受」。
但也有網民認為餐廳的食物質素不差，「咁問心啲嘢食唔差嘅，大頭蝦都好新鮮」、「琴日晏晝食完，其實都好多選擇而且新鮮，晏晝四個鐘就抵食，又唔使食得咁急，價錢又唔係貴，真心會再去，但夜晚就真係唔夠時間食」。
店家親解事發情況 指溝通過程出現誤會
《星島頭條》記者就網民投訴致電千海水產海鮮火鍋放題負責人了解，獲回覆指事主到場當日為試業首兩天，承認海鮮貨源不足，「死口」較多，惟餐廳堅持要提供最新鮮的海鮮給客人，所以大頭蝦在約9時多便未及補貨。另外，自助區部分食物的確會在關店前，提早15分鐘收起以準備清潔，店員亦會在事前知會客人。
至於叫事主指被店員無禮要求「食快啲」，負責人則強調店員絕對不會提早在用餐時間結束前催趕客人，不過由於店內枱數較多，店員有機會在關店前30分鐘要求客人先埋單，以方便結算帳目，相信事主和店員在溝通過程中出現誤會。
圖片及資料來源：Threads@aaamyyyyyyyyyyyy
文：Y
延伸閱讀：內地客避風塘食海鮮呻中伏！6個海鮮+小菜埋單近$5000不滿「就這些？」網民懷疑貴在這道菜？
