連鎖日式放題請KOL賣廣告遭食客鬧爆！聲稱鮑魚+麵包蟹任攞到場「2樣都無」餐廳留言3原因解釋供應情況

更新時間：16:29 2024-12-24
發佈時間：16:29 2024-12-24

日式放題主打任食各款刺身、壽司、海鮮及熟食，一個價錢可吃不同款式的美食，因而深受港人歡迎。然而，近日有網民在社交平台上發文，稱一間連鎖日式放題早前邀請Youtube頻道「有碗話碗」拍攝廣告，惟他光顧後卻發現現實「與廣告不符」。對此感不滿的事主在網上發文，稱影片指炒鮑魚及麵包蟹可以「任攞」，但當自己光顧時卻發現「2樣都無」，怒呻該日式放題「呃人」。事件隨即引起網友熱議，餐廳後來亦於影片留言解釋澄清，即看下文了解詳情。

連鎖日式放題請KOL賣廣告遭食客鬧爆聲稱鮑魚+麵包蟹任攞到場「2樣都無」

近日，有網民在Facebook群組「香港放題關注組」中發文，批評一間連鎖日式放題邀請飲食界YouTuber Alfred Chan拍攝廣告片段，惟廣告內容與實際情況不符。事主表示，早前觀看該YouTube頻道廣告後，特意前往該餐廳用餐。在影片廣告中，提到自助區有眾多海鮮可以任取，包括炒鮑魚和麵包蟹，但當事主實際到場用餐，卻發現這兩樣菜品根本沒有供應，「去到果晚呢2樣都『無』呀」。

事主對此情況向店員查詢，獲回覆指「唔係每晚都有㗎喎」，故認為廣告片段有故意誤導顧客之嫌，更怒斥該餐廳為「黑店」，「咁即係特登拍出嚟引客上當，拍廣告片嗰陣就有，我去食嗰陣就冇」。

餐廳留言澄清3原因供應情況不同網民反應兩極

事件引起網友熱議，餐廳隨後也發表了聲明，指出自助區食物與固定菜單不一樣，會因應當日食物供應情況而有所不同，同時列出3點解釋，詳情可點擊上文圖輯。惟有部分網友對店家解釋並不買賬，認為餐廳故意誤導顧客，「根本就係特登放麵包蟹同炒鮑魚喺YouTuber拍廣告吸客」、「咁咪即係誤導人去食」「原本都想去食，而家就不了」、「YouTube食播收錢食梗係咁講啦」、「9成youtube講嘢介紹都唔好信，佢哋係收着數幫店賣廣告」。

不過，也有網民認為自助食物區的食物向來是隨機提供，「公道講句啦，出面拎啲嘢不嬲日日換」、「熱盤唔係隨機？嗰日有就有，冇就冇㗎咩？」、「咪帶風向啦，出面拎呢啲嘢不嬲日日換，又唔係menu寫住有」、「入座前去望望，冇就走人」。

圖片及資料來源：YouTube、Facebook@香港放題關注組

文：Y