太陽蛋定義大戰？港人質疑茶餐廳太陽蛋貨不對辦不滿發文「又學到嘢」網民反嘲：咁係咩蛋？

太陽蛋定義大戰？港人疑不滿茶記太陽蛋質素暗諷「又學到嘢」網民：呢個真係太陽蛋

更新時間：18:59 2025-01-09
發佈時間：18:59 2025-01-09

茶餐廳是不少香港人的「醫肚」之選，食客點選指定套餐時，還可以按喜好選擇太陽蛋、炒蛋及「反蛋」等。最近有網民光顧茶餐廳，質疑太陽蛋貨不對辦，於是在社交媒體發文，圖文並茂地直言「又學到嘢」。帖文一出，引發網民熱議，部分網民覺得蛋白「生左少少，但仍然是太陽蛋」，但另有網民認為「完全唔合格」。

港人質疑茶餐廳太陽蛋貨不對辦不滿發文「又學到嘢」

這位網民在Facebook群組「香港茶餐廳及美食關注組」發文，寫道「侍應姐姐話太陽蛋係咁，又學到嘢」，並附上兩張相片，從其中一張相片可見，碟上擺放一片牛油多士外，還有兩隻「太陽蛋」。

掀太陽蛋定義大戰網民：呢個真係太陽蛋VS完全唔合格

帖文引發不少網民熱議，當中許多網民認為樓主相中正是太陽蛋，不明白有甚麼問題，留言表示「呢個唔係太陽蛋，咁係咩蛋？」、「唔係太陽蛋莫非火星蛋？」、「呢個真係太陽蛋，想熟啲就荷包蛋，再熟啲就反蛋。」、「呢個係太陽蛋喎，你想要反蛋？」及「咁呢個係太陽蛋呀！唔通係溫泉蛋？」；部分網民則反問樓主「介唔介意講下你個太陽蛋係點？」、「可唔可以介紹下你認知嘅太陽蛋係咩樣？」。

另有網民則為樓主開脫，「樓主可能覺得生咗少少，仲見到好多蛋液」、「呢個真係太陽蛋喎，樓主係唔係覺得佢太生？下次叫荷包蛋啦」，以及「其實樓主係咪想講下面隻蛋生得滯，但係唔識表達咋？」。

與此同時，有網民則覺得樓主不無道理，「做得好的太陽蛋蛋白係熟嘅。一個字，懶。煎蛋是可用鑊鏟在蛋白上面啄幾下，蛋白就會全熟，又不損形狀，就係咁簡單！」、「問題係蛋白，要全熟唔會有鼻涕，而蛋黃係生嘅，佢而呢隻連蛋白都未煮熟，講得衰啲差唔多係生蛋……以唔係全部見到生蛋黃就叫太陽蛋，呢隻唔算合格」及「蛋白煎完重係鼻涕咁款，明顯間餐廳X煎，完全唔合格」。

文：金三珣　圖：Facebook@香港茶餐廳及美食關注組