連鎖酒樓龍寶酒家歲晚大優惠！鹽焗雞$10隻/琵琶鴨$58半隻/乳豬$128起聲言新春決不加價！極速重開觀塘店都可享

更新時間：12:38 2025-01-23 HKT
發佈時間：12:38 2025-01-23 HKT

老牌街坊連鎖酒樓龍寶酒家，素來以平靚正經典粵菜聞名，更經常推出超值優惠益街坊。臨近歲晚新春，龍寶酒家再度推出抵食晚市優惠，包括東江鹽焗雞低至$5，京醬琵琶鴨優惠價半隻$58，而馳名養顏花膠雞煲更特價減至$168一煲，份量足夠4至6人享用，非常超值！龍寶更聲言在宣傳單張上聲言「歲晚新春決不加價」，優惠亦可在全港5間分店享用。

連鎖酒樓龍寶酒家聲言新春「決不加價」推$5半隻鹽焗雞/$98隻琵琶鴨

點擊睇龍寶酒家歲晚晚市優惠：

全港5間分店晚市供應花膠雞煲每煲$168

全港共有5間分店的龍寶酒家，近日推出歲晚新春大特價，包括多項晚市優惠，首選包括$5半隻及$10隻的東江鹽焗雞、$58半隻及$98隻的京醬琵琶鴨、$20.8隻的燒乳鴿、$88條沙巴老虎斑、$128隻的龍寶燒鵝王，以及$128有¼隻、$248半隻及$488隻的鴻運脆皮乳豬，更有適合一家大細享用的養顏花膠雞煲，由原價每煲$228減至$168，可供4至6人享用。

龍寶酒家以上的新春優惠菜式，除京醬琵琶鴨可外賣外，其餘只限6時後晚市堂食供應，不設外賣及帶走，並需另加13%服務費。菜式份量會按入座客人數量而定，如2至5人入座可享東江鹽焗雞半隻、6至10位可享一隻、11位或以上可享2隻。店家更聲言在歲晚新春期間決不加價，優惠亦在全港5間分店都有供應，包括早前曾光速結業並重開的觀塘分店。