馬鞍山雞煲店逆市求存！轉型兼賣手工點心茶市至6pm+免加一網民讚︰唔輸畀大酒樓味道

更新時間：11:00 2025-01-26
發佈時間：11:00 2025-01-26

自從北上消費成風後，香港飲食業要在逆市中突圍而出，必須諗新招或推出優惠去吸客，甚至有餐廳食肆會變陣應市，務求帶給食客新鮮感，吸引他們留港消費。日前有網民在fb社交平台發文，指發現馬鞍山雞煲專門店「味不同雞煲飯店」，除賣雞煲外，近日轉型更加推早、午、下午茶市飲茶，點心由師傅每日現場即製，更有點心孖寶優惠，且不設加一，網民更亦大讚「不輸給大酒樓的味道」，即睇馬鞍山雞煲轉型賣點心詳情！

馬鞍山味不同雞煲逆市求存轉型加推飲茶食點心不設加一

即睇雞煲檔轉型推手工製超值點心︰

有網民日前在facebook社交平台「馬鞍山之友」上分享，指位於馬鞍山MOSTown新港城中心的「味不同雞煲飯店」，近日轉型加設早、午、下午茶飲茶茶市，由上午7時至下午6時期間兼賣點心。網民亦分享店家的點心紙，紅色字的點心是「點心孖寶」，$42可揀兩款。而早茶及下午茶茶芥一律7蚊位，且不收加一，惟「午市就冇特價，照價收費」。

點心孖寶任揀兩款$42 早/茶市茶位$7

就網民上載的圖片所見，點心孖寶選擇款式亦算多，如豉椒蒸排骨、醬皇蒸鳳爪、潮州蒸粉果、鮮蝦菜苗餃、香茜牛肉球、蜜汁叉燒腸、珍珠糯米雞、蠔皇叉燒包、鳳爪排骨飯、金珠鹹水角等，如單點的話，每款$19至$30不等。網民亦大讚點心是「師傅現場即做，新裝修座位都好舒適…我覺得不會輸給大酒樓的味道，起碼不用加一」，並叫街坊不妨去支持一下。

「味不同雞煲飯店」原名為「煌極雞煲．烤魚．蒸氣火鍋」，據店員指餐廳曾經在疫情期間轉型賣過小菜，於兩年多前改名做「味不同」。現時餐廳晚市會賣雞煲及烤魚，晚上9時後設宵夜時段，招牌麻辣雞煲半隻$98、一隻$148，而烤海爐魚則每條$168（原價$268）。帖文一出亦引來不少網民回應，有街坊指「而家改為中式點心，試過好好味又抵食」、「我今日去幫襯佢，中式茶市點心都幾好食，最主要唔使加一，七元一位茶！」，有人亦指「以前煌極食下午茶公仔面又冇多士又冇，要人下午茶食雞煲」，對於店家轉型均表支持。