曾遭踢爆用預製飯 連鎖茶記廳面放 4個小米電飯煲「平反」！網民反應兩極 表面功夫 vs 洗脫污名
更新時間：18:13 2025-01-30
發佈時間：18:13 2025-01-30
發佈時間：18:13 2025-01-30
字體大小
早前，有本地大型連鎖茶餐廳懷疑使用內地預製飯引起關注，不少聲音質疑餐廳「連飯都唔煮」，批評有關做法離譜，指預製米飯味道、口感均較現煲的米飯要差。事隔多月，事情再有新進展，今日（30日）就有網民發現，該店在廳面位置展示了4個電飯煲，似乎是要粉碎用「預製飯」的傳聞。
連鎖茶記擺出4個小米電飯煲 粉碎「預製飯」傳聞
「預製菜」近年在內地大行其道，款式推陳出新，既為餐廳節省成本，又能提供穩定的出品。不過，亦有不少人認為「預製菜」口味總不及新鮮現製的好，而且食物安全問題，也令人擔心。早前，有連鎖茶餐廳懷疑以內地即叮即食的預製飯，代替現煮米飯，就惹來不少批評聲音。
早前報道：網民踢爆連鎖餐廳疑用內地預製米飯！怒斥離譜︰啲飯成個蘿蔔糕咁！同一餐廳曾推無檸檬檸茶
今日有網民就在Facebook群組「香港茶餐廳及美食關注組」分享同一茶餐廳內看到，有電飯煲正在「煲飯」。這一幕與該餐廳過往被批評使用預製飯的形象，形成鮮明對比，該網民因此對情景深感意外。從其分享的相片可見，餐廳於出餐櫃檯位置，放置了4個白色的家用電飯煲，在廳面的客人也能看得清清楚楚。
網民反應兩極 有人質疑4個家用煲唔夠數
其他網民紛紛留言回應，有人認為餐廳此舉是痛改前非，算是積極舉措「洗脫用預製飯污名」、「之前被踢爆用預製飯，而家改過，好事。」也有食客附上相片，指出確實有見過員工在「洗米煮飯」。
另一邊廂，亦有網民認為這只是餐廳「表面功夫」，無法證明餐廳真正放棄預製。「好明顯係之前畀人踢爆咗，而家先做樣畀人睇啫！」、「餐廳用嘅（電飯煲）好大個架，呢幾隻煲最多幾十碗飯。」另有網民指出，這樣的行為可能是為員工準備餐點所需，並不代表顧客所點的米飯來源已經完全改變。
延伸閱讀：初一買乳豬中伏！名店大失手 港男轟豬皮離譜、肉燒唔熟掀熱議 網友： 真係未見過
最Hit
國家補貼｜香港人持回鄉證經「雲閃付」買手機/家電享最多¥2000折扣券！附深圳國補申請教學及領取條件
2025-02-03 20:04
前TVB花旦仙氣星二代 嬌滴滴竟然紮鐵砌磚！曾上榜民選「靚到癲女明星」
2025-02-03 21:00
