深水埗茶記6款外賣飯盒只售$20！咖喱吉豬/薯仔雞翼/蒸肉餠網民大讚：好過食兩餸飯

更新時間：17:32 2025-02-19 HKT
發佈時間：17:32 2025-02-19 HKT

隨著近年物價上漲，食飯費用越來越貴，即使是以廉價抵食見稱的兩餸飯都加價不少，售價至少三十幾至四十元起。不過，近日有網民發現，位於深水埗的一間茶餐廳，居然以$20的外賣飯盒作招徠，更有6款菜式可供選擇，包括咖喱吉列豬扒飯、薯仔雞翼飯等！

深水埗茶記6款外賣飯盒只售$20！

日前，有網民於社交平台Facebook「荃灣人」群組發文，分享發現深水埗一間茶餐廳的外賣飯盒只售$20！從圖中所見，位於深水埗元州街、正對著麥當勞的「滙發茶餐廳」，推出特價外賣飯盒，每款僅售$20。特價外賣飯盒有多達6款可供選擇，包括咖喱吉列豬扒飯、薯仔雞翼飯、香茅雞扒飯、魚香茄子飯、榨菜蒸肉餠飯及肉鬆蒸水蛋飯。

網民大讚：好食過兩餸飯

$20外賣飯盒餐牌上，註明不包餐具及袋，食客需要自攜購物袋及餐具。有網民就認為不能接受沒有外賣袋，但有網民則認為安排合理，「20蚊無所謂啦而且你可以自備袋」、「佢賣20元，有少少Terms，也是合理，人哋寫明，客人可以唔買」。亦有網民大讚抵食，留言表示「平民區茶記有咁價錢簡直造福人群」、「無言，好過食兩餸飯！」、「20蚊一個飯盒而家真係好難有一間食肆會賣咁嘅價錢，冇至少50蚊都咪使只意有得食」。